1. Korinťanenge 8:13 - Le Devleskero Lav Andre Romaňi Čhib Slovensko 2021

¹³ Vašoda, te oda, so me chav, anel mire phrales andro binos, ta akor šoha na chava oda mas, hoj te na perel miro phral andro binos.

1. Korinťanenge 8:13 ပူးပေါင်းရင်းမြစ်များ

Matuš 17:27

Ale hoj pre amende te na rušen, dža paš o moros a čhiv e uďica. Le avri ešebno riba, savi chudeha, a sar lake phundraveha o muj, arakheha andre rupuňi minca. Le la avri a počin o daňe vaš tu the vaš ma.“

Skutki 15:20

ale kampel lenge te pisinel ľil a te phenel, hoj te na chan oda, so hin obetimen le modlenge, te na keren lubipen, te na chan o mas le tasade džvirengro aňi o rat.

Rimanenge 14:13

Vašoda preačhas te sudzinel jekh avres. Ale sigeder gondoľin pre oda, hoj te na keres vareso, pre soste o phral šaj perel andro pačaben.

Rimanenge 14:21

Mištes hin te na chal mas, te na pijel mol, aňi te na kerel ňič, pre soste šaj perel tiro phral.

1. Korinťanenge 10:32

Vašoda, ľikeren tumen avke, hoj te na anen o pohoršeňje aňi le Židenge, aňi le Grekenge, aňi le Devleskra khangerake,

1. Korinťanenge 10:33

avke sar the me kerav savoro pre oda, hoj te avav pre dzeka savorenge andre savoreste. Me na rodav oda, so hin mange pro lačho, ale so hin pro lačho but dženenge, hoj te aven zachraňimen.

1. Korinťanenge 13:5

O kamiben pes ľikerel rajikanes, na rodel peskro, na choľisaľol, na leperel o nalačho,

1. Korinťanenge 6:12

„Savoro šaj kerav, no na savoro mange hin pro lačho.“ „Savoro šaj kerav, ale me na avava ňisoske otrokos.“

1. Korinťanenge 9:12

Te aver dženen hin pravos te lel oda tumendar, ta so buter amen? No amen na viužinďam oda pravos, ale savoro zľidžas vaš oda, hoj te na zaačhavas o evaňjelium le Kristoskro.

2. Korinťanenge 11:29

Vareko phenel, hoj hino slabo a me te na avav? Abo te vareko perel andro binos, mange oda te na avel pharo?

2. Korinťanenge 6:3

Amen na keras ňič, pre soste vareko šaj rušľahas, hoj ňiko te na dikhel tele amari služba.