1. Korinťanenge 7:9 - Le Devleskero Lav Andre Romaňi Čhib Slovensko 2021

⁹ Ale te pes na džanen te zľikerel, mi džan romeste, bo feder hin te džal romeste sar te labol la žadoscaha.

1. Korinťanenge 7:9 ပူးပေါင်းရင်းမြစ်များ

Skutki 19:36

Vašoda, hoj kala veci našťi ňiko zaprinel, kampel tumenge te zaačhel, hoj te na keren varesavo diliňipen.

1. Korinťanenge 7:2

Ale vaš oda, hoj pes te na kerel o lubipen, mi el dojekhe muršes leskri romňi a dojekha džuvľa lakro rom.

1. Korinťanenge 7:28

Ale te iľalas romňa, na kerďal binos. A te džala e pačivaľi čhaj romeste, na kerďa binos. Ale kajsen ela pharipen andro ťelos a me tumen kamav olestar te chraňinel.

1. Korinťanenge 7:36

Te varesavo manuš phirel pačivaľa čhaha a našťi pes zľikerel a lake imar hin o berša, ta mi lel peske la romňake te šunel andro jilo, hoj mušinel avke te kerel. Oleha na kerela ňisavo binos.

1. Korinťanenge 7:39

E džuvľi hiňi phandľi ko rom dži akor, medik lake o rom dživel. Ale te lake muľahas o rom, hiňi slobodno a šaj džal romeste, pal kaste kamel, ale ča pal oda, ko hino andro Raj.

1. Tesaloničanenge 4:4

hoj sako tumendar te džanel sar te dživel peskra romňaha svetones the andre pačiv

1. Timoteoske 5:11

Ale ma rachin le ternedere vdoven, bo sar len cirdela te džal romeste, šaj pes visaren le Kristostar

1. Timoteoske 5:14

Vašoda kamav, hoj o terneder vdovi te džan romeste, te avel len čhave a te starinen pes pal peskre khera, bo oleha na domukena olenge, ko pre amende džan, hoj pal amende te vakeren namištes.