1. Korinťanenge 4:19 - Le Devleskero Lav Andre Romaňi Čhib Slovensko 2021

¹⁹ Te oda o Raj kamela, avava ke tumende sig a paľis sprindžarava e zor ole barikane manušengri, a na ča lengre lava.

1. Korinťanenge 4:19 ပူးပေါင်းရင်းမြစ်များ

Skutki 18:21

A sar lendar džalas het, phenďa lenge: „Te kamela o Del, avava pale ke tumende.“ Avke geľa la loďaha andral o Efezus.

Skutki 19:21

Paloda, sar pes kala veci ačhile, phenďa peske o Pavol, hoj predžala e Macedonija the e Achaja a džala andro Jeruzalem. Phenďa peske: „Ačhava ode a paľis mušinav te džal te dikhel the o Rim.“

Skutki 20:2

Pregeľa ola phuvaha a but lavenca povzbudzinďa le pačabnaskren a paľis geľa andro Grecko.

Rimanenge 15:32

A modľinen tumen, hoj le Devleskra voľatar te avav ke tumende pherdo radišagoha, hoj mange maškar tumende te odpočovinav.

1. Korinťanenge 11:34

Te hin vareko bokhalo, ta mi chal khere, hoj te na anel o sudos pre tumende, sar tumen zdžan. A okla veci dava andro poradkos, sar avava.

1. Korinťanenge 14:5

Me kamav, hoj savoredžene te vakeren andro čhiba, no uľomas radeder te prorokinďanas. Bo bareder hin oda, ko prorokinel sar oda, ko vakerel andro čhiba. No, ča akor na, te džanľahas o čhiba the te prethovel, hoj pes te budinel e khangeri.

1. Korinťanenge 16:5

Ke tumende avava, sar imar predžava e Macedonija, bo prekal e Macedonija ča predžava.

1. Korinťanenge 16:7

Bo me tumen na kamav te dikhel ča avke, hoj ča sig pašal tumende predžava. Pačav, hoj ačhava ke tumende buter dživesa, te oda o Raj domukela.

1. Korinťanenge 2:6

Ale amen vakeras o goďaveripen maškar ola, ko imar podbarile andro pačaben, ale na o goďaveripen kale svetoskro, abo le bare rajengro andral kada svetos, save našľon.

1. Korinťanenge 4:18

Varesave džene tumendar ačhile barikane, bo peske gondoľinen, hoj na avava ke tumende.

1. Korinťanenge 4:6

Phralale, kada phenďom prekal tumende a sikaďom pre ma the pro Apollo, hoj amendar te sikľon kada prislovje: „Ma džan dureder sar oda, so hin pisimen.“ Hoj pes ňiko te na lašarel varekaha a avres te na dikhel tele.

2. Korinťanenge 1:23

O Del mange hino švedkos, bo prindžarel miro jilo, hoj vaš oda na avľom andro Korint, bo tumen na kamľom te dukhavel.

2. Korinťanenge 10:9

Na kamav, hoj te dičhol avke, sar te tumen kamľomas le ľilenca te daravel avri.

Židenge 6:3

A the ada keraha, te amenge amaro Del domukela.

Jakob 4:15

Ale kampel tumenge te phenel kavke: „Te o Raj kamela, dživaha a keraha kada abo koda.“