1. Korinťanenge 3:19 - Le Devleskero Lav Andre Romaňi Čhib Slovensko 2021

¹⁹ Bo o goďaveripen kale svetoskro hin diliňipen anglo Del. Bo hin pisimen: „O Del zachudel le goďaveren andre lengro goďaveripen.“

1. Korinťanenge 3:19 ပူးပေါင်းရင်းမြစ်များ

2. Samueloskro 15:31

Vareko le Davidoske phenďa: „O Achitofel hino tiš maškar o vzburenci, save hine le Absolonoha.“ Vašoda o David pes mangelas: „Mangav tut, RAJEJA miro, visar le Achitofeloskri rada pro diliňipen.“

2. Samueloskro 16:23

Andre oda časos pes lelas e rada le Achitofeloskri sar le Devleskro lav. Kavke peske lenas o David the o Absolon e rada le Achitofeloskri, so len delas.

2. Samueloskro 17:14

Akor o Absolon the savore izraelika murša phende: „Feder hin e rada le Chušajoskri sar le Achitofeloskri.“ Bo o RAJ kamľa, hoj pes te na kerel pal e lačhi rada le Achitofeloskri, hoj te anel e bibach pro Absolon.

2. Samueloskro 17:23

Sar o Achitofel dikhľa, hoj pes na ačhiľa avke, sar ov radzinelas, thoďa pro somaris o sedlos, bešľa pre leste a geľa khere andre peskro foros. Diňa peske andro kher savoro andro poradkos a paľis pes figinďa. Avke muľa a parunde les andre leskre dadeskro hrobos.

Ester 7:10

On gele a figinde le Haman pre kaštuňi šibeňica, so diňa te kerel prekal o Mordekaj. Akor le kraľiskri choľi preačhiľa.

O Job 5:13

Zachudel le goďaveren andre lengro goďaveripen, avke e rada le previsarde manušengri sig skončinela.

Žalmi 141:10

Mi peren o nalačhe andre peskre siti, ale me len mi obdžav.

2. Mojžišoskro 1:10

Aven gondoľinas so lenca te kerel, hoj pes te na rozmnožinen meksa buter. Bo te uľahas mariben, on šaj predžan pre le ňeprijaťeľiskri sera, hoj pes amenca te maren, a denašlehas het andral amari phuv.“

2. Mojžišoskro 18:11

Akana džanav, hoj o RAJ hino bareder, sar savore aver devla, bo ov oda kerďa, sar pes hazdenas upral tumende.“

Prislovja 14:8

O goďaver manuš džanel, so te kerel a so na, ale o dilino peha thovel avri, bo peske ča gondoľinel, hoj džanel.

Prislovja 21:30

Ňisavo goďaveripen aňi achaľuvipen aňi rada tuke na pomožinela, te o RAJ pre tu džala.

Izajaš 44:25

Me musarav o znameňja le falošne prorokengre, le veštcendar kerav diline, previsarav o goďaveripen le goďaverengro a sikavav, hoj lengre radi hine diliňipen.

1. Korinťanenge 2:6

Ale amen vakeras o goďaveripen maškar ola, ko imar podbarile andro pačaben, ale na o goďaveripen kale svetoskro, abo le bare rajengro andral kada svetos, save našľon.

1. Korinťanenge 4:6

Phralale, kada phenďom prekal tumende a sikaďom pre ma the pro Apollo, hoj amendar te sikľon kada prislovje: „Ma džan dureder sar oda, so hin pisimen.“ Hoj pes ňiko te na lašarel varekaha a avres te na dikhel tele.

Efežanenge 4:14

Avke imar na avaha buter sar čhavore, savenca upre tele čhivkerel sar le vlnenca dojekh balvaj: Oda hin dojekh nevo sikaviben le manušendar, save le klamišagoha ľidžan avren pro nalačho drom, hoj te peren.

Jakob 3:15

Kajsi goďi na avel upral, ale hiňi pal e phuv, ťelesno, benguňaľi.