1. Korinťanenge 16:17 - Le Devleskero Lav Andre Romaňi Čhib Slovensko 2021

¹⁷ Radisaľuvav oleske, hoj avľa o Štefan, o Fortunatos the o Achajikos. Bo on mange kerde oda, so tumen našťi kerďan, akor sar kade na sanas.

1. Korinťanenge 16:17 ပူးပေါင်းရင်းမြစ်များ

1. Korinťanenge 1:16

No, mek bolďom the le Štefan leskra famelijaha a buter imar na džanav, či mek bolďom varekas avres.

2. Korinťanenge 11:9

The akor, sar somas ke tumende a chibaľinelas mange vareso, na somas ňikaske pre meň. Se te mange vareso chibaľinelas, pomožinenas mange o phrala, save avenas andral e Macedonija. Avke keravas, hoj tumen te na el manca ňisavo starišagos, a avke kamav dureder the te kerel.

2. Korinťanenge 7:6

Ale o Del, savo del o radišagos olen, ko andro duchos na birinen, diňa o radišagos the amen oleha, hoj avľa o Titus.

Filipanenge 2:30

bo vaš e buči le Kristoskri sas imar dži paš o meriben. A na daranďiľa te del the peskro dživipen, hoj te kerel prekal mande oda, so tumen našťi kerďan.

Filemonoske 1:13

Kamľom mange les te mukel paš mande, hoj ov mange vaš tuke te služinel, medik som andro lanci vaš o evaňjelium.