1. Korinťanenge 13:12 - Le Devleskero Lav Andre Romaňi Čhib Slovensko 2021

¹² Akana dikhas nažužes, sar andro gendalos a sar prekal e molha, ale paľis pes dikhaha muj-mujeha. Akana prindžarav ča frima, ale paľis prindžarava dokonales, avke sar o Del prindžarel the man.

1. Korinťanenge 13:12 ပူးပေါင်းရင်းမြစ်များ

1. Mojžišoskro 32:30

O Jakob lestar paľis phučľa: „Mangav tut, phen mange tiro nav.“ Ale ov odphenďa: „Soske kames te džanel miro nav?“ A požehňinďa le Jakob.

O Job 19:26

Dikhava le Devles andre miro ťelos the akor, sar ela miri cipa zňičimen;

O Job 36:26

Čačes, o Del hino igen baro, bareder sar šaj achaľuvas, a leskre berša pes na den te zrachinel.

2. Mojžišoskro 33:11

O RAJ vakerelas le Mojžišoha, muj-mujeha, avke sar vareko vakerel le prijaťeľiha. Paľis džalas pale andro taboris. Ale leskro terno sluhas o Jozua, le Nunoskro čhavo, ačhelas andro stanos.

Ezechiel 17:2

„Manušeja, de hadanka a phen la le Izraelitenge sar podobenstvo.

4. Mojžišoskro 12:8

Leha vakerav muj-mujeha, phundradones a na garudones, ov šaj dikhel the le RAJESKRI podoba. Sar oda, hoj tumen na daran kavke te vakerel pre miro služobňikos Mojžiš?“

Matuš 18:10

Dikhen pre oda, hoj te na dikhen tele aňi jekhes kale ciknorendar! Bo phenav tumenge, hoj lengre aňjela andro ňebos ačhen furt angle miro ňeboskro Dad.

Matuš 5:8

Bachtale hine o žužejileskre, bo on dikhena le Devles.

O Evaňjelium le Janoskro 10:15

Avke, sar man prindžarel o Dad, avke the me prindžarav le Dades a dav miro dživipen vaš o bakrore.

Rimanenge 8:18

Me mange gondoľinav, hoj o pharipen, so amen hin akana, pes aňi na del te rachinel ke odi slava, so pes amenge sikavela.

1. Korinťanenge 13:11

Sar somas čhavoro, vakeravas sar čhavoro, gondoľinavas sar čhavoro a achaľuvavas sar čhavoro, ale sar ačhiľom murš, zamukľom o čhavorikane veci.

1. Korinťanenge 8:3

Ale ko le Devles kamel, oles o Del prindžarel.

2. Korinťanenge 3:18

No amen savore pes dikhas andre slava le Rajeskri odučharde mujeha sar andro gendalos. A odi slava, so avel le Rajestar, savo hino o Duchos, amen čerinel pre leskro obrazis – andral jekh slava andre aver.

2. Korinťanenge 5:7

Bo amen dživas le pačabnastar a na olestar, so dikhas.

Filipanenge 3:12

Na hoj oda savoro imar te dochudňomas abo imar te uľomas dokonalo, ale denašav, hoj te dochudav oda, prekal soste man o Ježiš Kristus imar dochudňa.

Jakob 1:23

Bo te vareko hino ajso, hoj ča šunel o lav a na doľikerel les, hino sar ajso manuš, savo dikhel peskro muj andro gendalos.

1. Jan 3:2

Mire lačhe phralale, akana sam le Devleskre čhave, ale mek pes na sikaďa, so avaha. Ale džanas, hoj sar pes sikavela, avaha ajse sar ov, bo dikhaha les avke, sar hino.

Zjaveňje 22:4

Dikhena leskro muj a leskro nav ela pre lengre čekata.