1. Korinťanenge 12:6 - Le Devleskero Lav Andre Romaňi Čhib Slovensko 2021

⁶ A hin ajse the kajse buča, ale savoro kerel oda jekh Del andre savorende.

1. Korinťanenge 12:6 ပူးပေါင်းရင်းမြစ်များ

O Job 33:29

Dikh, o Del kerel le manušeske savore kala veci, duvar, the trival;

O Evaňjelium le Janoskro 5:17

Ale o Ježiš lenge odphenďa: „Miro Dad furt kerel, vašoda the me kerav.“

1. Korinťanenge 12:11

Ale savoro kerel oda jekh Duchos korkoro, savo rozdel sakoneske o dari avke, sar ov kamel.

1. Korinťanenge 12:5

A hin ajse the kajse službi, ale o Raj hino jekh.

1. Korinťanenge 15:28

A sar leske ela savoro poddino, akor pes the o Čhavo korkoro poddela Oleske, savo leske savoro poddiňa, hoj o Del te avel savoro andre savoreste.

1. Korinťanenge 3:7

A vašoda oda manuš, ko sadzinel nane ňič, aňi oda, ko poľivinel, ale o Del, savo del, hoj te barol.

Efežanenge 4:6

a hin jekh Del the Dad savorenge, savo hino upral sakoneste, prekal sakoneste a andre sakoneste.

Filipanenge 2:13

Bo o Del hino oda, ko andre tumende kerel, hoj na ča te kamen, ale the te keren oda, so hin leske pre dzeka.

Kološanenge 1:29

A vaš kada man marav a kerav savoro leskra zoraha, savi andre mande zorales kerel.

Kološanenge 3:11

Avke akana imar nane rozďjel či hin vareko Grekos abo Židos, obrezimen abo naobrezimen, cudzincos abo barbaris, otrokos abo slobodno, ale o Kristus hin savoro a ov hino andre savorende.

Židenge 13:21

tumen mi vizbrojinel andre savoro lačhipen, hoj te keren leskri voľa. Ov andre amende mi kerel oda, so hin leske pre dzeka, prekal o Ježiš Kristus. Leske mi džal e slava na veki vekov. Amen.