1. Korinťanenge 11:30 - Le Devleskero Lav Andre Romaňi Čhib Slovensko 2021

³⁰ Vašoda hin maškar tumende but džene slaba, nasvale the mule.

1. Korinťanenge 11:30 ပူးပေါင်းရင်းမြစ်များ

2. Mojžišoskro 15:26

A phenďa: „Me som o RAJ tiro Del, te man šunena a kerena oda, so hin angle mire jakha lačho, a te doľikerena mire zakoni the prikazaňja, na domukava pre tumende ňisavo nasvaľiben, sar domukľom pro Egipťana, bo me, o RAJ, som oda, ko tut sasťarel.“

Amos 3:2

„Ča tumen mange kidňom avri savore famelijendar pal caľi phuv, vašoda tumen marava vaš savore tumare bini.“

4. Mojžišoskro 20:12

O RAJ phenďa le Mojžišoske the le Aronoske: „Vašoda, hoj na pačanďiľan andre miri zor a na diňan man pačiv angle savore Izraeliti, tumen na doľidžana le Izraeliten andre phuv, so lenge dav.“

4. Mojžišoskro 20:24

„O Aron kade merela; na džala andre odi phuv, so diňom le Izraelitenge, bo sodujdžene tumen vzburinďan pre mande paš o paňi Meriba.

Skutki 13:36

O David andre peskro pokoleňje kerďa le Devleskri voľa. Sar muľa, sas thodo paš peskre dada a leskro ťelos kirňiľa andro hrobos,

Skutki 7:60

Paľis peľa pro khoča a vičinďa zorale hangoha: „Rajeja, ma rachin lenge kada binos!“ Sar oda phenďa, zasuča.

1. Korinťanenge 11:29

Bo te o manuš chal ole marestar the pijel andral odi kuči bi e pačiv anglo ťelos le Rajeskro, akor chal the pijel peskro sudos.

1. Korinťanenge 11:31

Bo te pes korkore zagondoľinďamas upral peste, či mištes dživas, akor na uľamas sudzimen.

1. Korinťanenge 11:32

No oleha, hoj amen o Raj sudzinel, bararel amen avri, hoj te na avas odsudzimen le svetoha.

1. Korinťanenge 15:51

Šunen, phenava tumenge o garudo čačipen: Savore na meraha, ale savore avaha čerimen –

1. Tesaloničanenge 4:14

Bo te amen pačas, hoj o Ježiš muľa a ušťiľa andral o meriben, ta akor pačas the oda, hoj o Del anela pale le Ježišoha olen, ko mule pačabnaha andre leste.

Zjaveňje 3:19

Me sakones, kas kamav, karhinav a zorales bararav avri. Vašoda av horľivo a visar tut le binendar!