1. Korinťanenge 10:26 - Le Devleskero Lav Andre Romaňi Čhib Slovensko 2021

²⁶ Bo hin pisimen: „Le Rajeskri hiňi e phuv the savoro, so upre hin.“

1. Korinťanenge 10:26 ပူးပေါင်းရင်းမြစ်များ

O Job 41:11

Andral o muj leske aven avri o jagale fakľi a chučkeren o iskri.

Žalmi 24:1

Le Davidoskro žalmos. Le RAJESKRI hiňi e phuv the savoro, so andre hin, o svetos the ola, ko andre dživen;

Žalmi 50:12

Te uľomas bokhalo, phenďomas oda tuke? Se miro hin o svetos savoreha, so andre hin.

2. Mojžišoskro 19:5

Te man šunena a doľikerena miri zmluva, tumen avena maškar savore narodi mire vzacna manuša. Caľi phuv hiňi miri, ale tumen avena mire avrikidle manuša,

2. Mojžišoskro 9:29

O Mojžiš leske odphenďa: „So ča džava avri andral o foros, hazdava mire vasta ko RAJ a mangava les. O perumi the o brišind le krupenca preačhela, hoj te prindžares, hoj e phuv hiňi le RAJESKRI.

1. Korinťanenge 10:28

Ale te tumenge vareko phenďahas: „Kada sas obetimen le modlenge!“ Ma chan anglo svedomje the angle oda manuš, savo tumenge oda phenďa.

5. Mojžišoskro 10:14

Le RAJESKRO, tire Devleskro, hin o ňebos the o nekučeder ňebos, e phuv the savoro, so upre hin.

1. Timoteoske 4:4

Ale savoro, so o Del kerďa, hin lačho a ňič na kampel te odčhivel het, te pes prilel paľikeribnaha.

1. Timoteoske 6:17

Le barvalenge andre kada svetos phen, hoj pes te na ľidžan upre a te na pes muken pro barvaľipen, so nane isto, ale pro džido Del, savo amen del barvales sa, so amenge kampel pro bachtalo dživipen.