1. Korinťanenge 10:25 - Le Devleskero Lav Andre Romaňi Čhib Slovensko 2021

²⁵ Savoro, so pes bikenel pro pľacos, chan a ma phučen ňič angle tumaro svedomje.

1. Korinťanenge 10:25 ပူးပေါင်းရင်းမြစ်များ

Skutki 10:15

Oda hangos leske pale phenďa: „Tu ma phen melalo pre oda, so o Del obžužarďa!“

Rimanenge 13:5

Vašoda pes igen kampel te poddel na ča vaš le Devleskri choľi, ale the vašoda, bo andro jilo džanes, hoj oda hin mištes.

Rimanenge 14:14

Me džanav a pačav, hoj andro Ježiš Kristus korkoro pestar nane ňisavo chaben nažužo, ča oleske hin nažužo, ko pačal, hoj oda chaben hin nažužo.

1. Korinťanenge 8:7

Ale na sako prindžarel kada čačipen. Vareko mek dži akana hine sikade te chal o mas avke, sar te oda mas uľahas čačes obetimen le modlenge, a vaš oda, hoj lengro svedomje hino slabo, hino oleha meľardo.

1. Timoteoske 4:4

Ale savoro, so o Del kerďa, hin lačho a ňič na kampel te odčhivel het, te pes prilel paľikeribnaha.

Titoske 1:15

Le žuženge hin savoro žužo. Ale le melalenge the olenge, ko na pačan, nane ňič žužo a meľarďi hin the lengri goďi the lengro svedomje.