1. Jan 5:7 - Le Devleskero Lav Andre Romaňi Čhib Slovensko 2021

⁷ Bo trin hine, so svedčinen [pro ňebos: o Dad, o Čhavo the o Sveto Duchos. A on trin hine jekh.

1. Jan 5:7 ပူးပေါင်းရင်းမြစ်များ

Žalmi 33:6

Le RAJESKRE laveha sas kerdo o ňebos a le dichoha andral leskro muj savore čercheňa.

Izajaš 61:1

O Duchos le RAJESKRO, le Devleskro, hin upral mande, bo o RAJ man pomazinďa, hoj te vakerav o lačho hiros le čorenge; bičhaďa man te phandel o rani le dukhade jilenge, le zailenge te phenel, hoj hine slobodna, a le zaphandlen te premukel andral e bertena.

Matuš 17:5

Mek sar vakerelas, zaučharďa len andre e žjarivo chmara a andral e chmara prevakerďa ke lende o hangos: „Kada hin miro Čhavo, saves kamav. Andre leste man hin radišagos, les šunen!“

Matuš 18:16

Te tut na šunela, le tuha mek jekhes abo duje dženen, bo dojekh lav ačhela pro duj abo trin švedki.

Matuš 28:19

Vašoda džan a keren mange učeňiken andral savore narodi. Bolen len andro nav le Dadeskro, le Čhaskro the le Svete Duchoskro

O Evaňjelium le Janoskro 1:1

Ešebnovarestar sas o Lav a oda Lav sas paš o Del a oda Lav sas o Del.

O Evaňjelium le Janoskro 10:30

Me the o Dad sam jekh.“

O Evaňjelium le Janoskro 12:28

Dado, oslavin tiro nav!“ Akor šunďiľa o hangos andral o ňebos: „Imar oslavinďom a mek oslavinava.“

O Evaňjelium le Janoskro 14:17

le Duchos le čačipnaskres, saves o svetos našťi prilel, bo les aňi na dikhel aňi na prindžarel. Ale tumen les prindžaren, bo dživel maškar tumende a ela andre tumende.

O Evaňjelium le Janoskro 15:26

Ale sar avela o Ťešiťeľis, saves tumenge bičhavava, o Duchos le čačipnaskro, savo avel le Dadestar, ov svedčinela pal ma.

O Evaňjelium le Janoskro 5:26

Bo sar hin le Dades o dživipen andre peste, avke diňa the le Čhaske, hoj les te avel o dživipen andre peste.

O Evaňjelium le Janoskro 8:18

Me svedčinav korkoro pal mande a svedčinel pal mande the o Dad, savo man bičhaďa.“

O Evaňjelium le Janoskro 8:54

O Ježiš odphenďa: „Te man lašarav me korkoro, miro lašariben na mol ňič. Miro Dad hin oda, ko man lašarel – pal kaste tumen phenen, hoj hino tumaro Del.

Skutki 2:33

O Del les hazdňa upre paš peskro čačo vast a priiľa le Dadestar le Svete Duchos, avke sar o Dad diňa lav. Ov les čhiďa avri pre amende a oda hin oda, so tumen akana dikhen the šunen.

Skutki 5:32

Amen sam o švedki kale vecenge a the o Sveto Duchos, saves diňa o Del olenge, ko les šunen.“

5. Mojžišoskro 6:4

Šun, Izraelona! O RAJ hin amaro Del, o RAJ hino jekh.

1. Jan 1:1

Pal oda vakeras, so sas ešebnovarestar, so šunďam, so dikhľam peskre jakhenca, pre soste dikhahas a sostar pes amare vasta chudenas, pal oda lav, so del o dživipen.

1. Jan 5:6

O Ježiš Kristus hin oda, ko avľa prekal o paňi the prekal o rat. Na avľa ča le paňeha, ale le paňeha the le rateha. A o Duchos hin oda, ko oda dosvedčinel, bo o Duchos hin o čačipen.

1. Jan 5:8

A trin hine, so svedčinen pre phuv:] o Duchos, o paňi the o rat. A on trin hine jekh andre oda.

Zjaveňje 19:13

Urdo sas andro gada, so sas močimen andro rat a leskro nav sas: „O Lav le Devleskro.“