1. Jan 5:3 - Le Devleskero Lav Andre Romaňi Čhib Slovensko 2021

³ Bo o kamiben ko Del hin andre oda, hoj doľikeras leskre prikazaňja. A leskre prikazaňja nane phare.

1. Jan 5:3 ပူးပေါင်းရင်းမြစ်များ

2. Kraľengro 18:6

Ov sas pačivalo le RAJESKE, šunelas les andre savoreste a doľikerelas dojekh prikazaňje, so o RAJ diňa le Mojžišoske.

Žalmi 119:140

Tire lava hine mištes prežužarde, vašoda len tiro služobňikos kamel.

Žalmi 119:45

Phirava andre sloboda, bo kamav te dživel pal tire prikazaňja.

2. Mojžišoskro 20:6

Ale o verno kamiben presikavav ezera pokoleňjenge, save man kamen a doľikeren mire prikazaňja.

Prislovja 3:17

leskre droma tut dena o šukar dživipen a leskre chodňiki tuke anena o smirom.

Daniel 9:4

Modľinavas man ko RAJ, ke miro Del, a phenavas avri mire bini: „Ó, Rajeja, baro a zoralo Devla, so doľikeres pačivales e kamibnaskri zmluva olenca, ko tut kamen a doľikeren tire prikazaňja:

Micheaš 6:8

O RAJ tuke diňa te džanel, manušeja, so hin lačho. So tutar kamel? Te keres oda, so hin spravno, te presikaves o verno kamiben a te phires andre pokora tire Devleha.

Matuš 23:4

Sphanden bare pharipena, so našťi te zľidžal, a thoven len pro vali le manušenge, ale on korkore na kamen te čhalavel aňi le angušteha.

O Evaňjelium le Janoskro 14:15

„Te man kamen, doľikerena mire prikazaňja.

O Evaňjelium le Janoskro 15:10

Te doľikerena mire prikazaňja, ačhena andre miro kamiben, avke sar me doľikeravas mire Dadeskre prikazaňja a ačhav andre leskro kamiben.

O Evaňjelium le Janoskro 15:14

Tumen san mire prijaťeľa, te keren savoro, so tumenge prikazinav.

Rimanenge 7:12

Avke o zakonos hino sveto the o prikazaňje hino sveto, spravodľivo a lačho.

Rimanenge 7:22

Bo andre miro andruno manuš dav radišagoha čačipen le Devleskre zakonos.

5. Mojžišoskro 5:10

Ale o verno kamiben presikavav ezera pokoleňjenge, save man kamen a doľikeren mire prikazaňja.

5. Mojžišoskro 7:9

Vašoda džan, hoj ča o RAJ, tiro Del hino Del, verno Del, savo doľikerel peskri zmluva the peskro kamiben dži o ezeros pokoleňja olenge, ko les kamen a doľikeren leskre prikazaňja.

Židenge 8:10

Kada hin e zmluva, so kerava le Izraeloskre khereha andre ola dživesa, so avena, phenel o Raj. Thovava mire zakoni andre lengri goďi a pisinava len pre lengre jile. Me avava lengro Del a on ena mire manuša.

1. Jan 2:3

Pal oda džanas, hoj les prindžaras, te doľikeras leskre lava.

2. Jan 1:6

A o kamiben hin kada: te phirel andre leskre prikazaňja. A kada hin oda prikazaňje, so šunďan ešebnovarestar, hoj te dživas andro kamiben.