1. Jan 5:10 - Le Devleskero Lav Andre Romaňi Čhib Slovensko 2021

¹⁰ Oda, ko pačal andro Čhavo le Devleskro, oles hin o sveďectvos andre peste. Oda, ko na pačal le Devleske, oda lestar kerďa klamaris, bo na pačanďiľa ole sveďectvoske, so phenďa o Del pal peskro Čhavo.

1. Jan 5:10 ပူးပေါင်းရင်းမြစ်များ

O Job 24:25

Či oda nane avke? Ko šaj phenel, hoj klaminav a na vakerav čačipen?“

Žalmi 25:14

O RAJ hino prijaťeľis olenca, ko lestar daran; lenge del te džanel peskri zmluva.

Prislovja 3:32

bo o RAJ kajse manušen našťi avri ačhel, ale hino prijaťeľis le čačipnaskre manušenca.

Izajaš 53:1

Ko pačanďiľa amare lavenge? A ko dikhľa le RAJESKRO vast andre kada?

Jeremijaš 15:18

Soske miri dukh šoha na preačhel? Soske hiňi miri rana ajsi dukhaďi, hoj našťi sasťol avri? Me man mukľom savoreha pre tute, ale tu man omukľal avke sar o paňi andre jarka, so ňilaje šučol avri.“

4. Mojžišoskro 23:19

O Del nane manuš, hoj te klaminel. Ov nane čhavo le manušeskro, hoj te čerinel peskre lava. Či na kerel oda, so phenel? Či del lav a na doľikerel?

O Evaňjelium le Janoskro 3:16

Bo o Del avke kamelas o svetos, hoj diňa peskre jekhore Čhas, hoj ňiko, ko pačal andre leste, te na merel, ale te avel les o večno dživipen.

O Evaňjelium le Janoskro 3:18

Oda, ko pačal andre leste, na ela odsudzimen. Ale oda, ko na pačal, imar hino odsudzimen, bo na pačanďiľa andro nav le Devleskre jekhore Čhaskro.

O Evaňjelium le Janoskro 3:33

Oda, ko prilel leskre lava, sikavel, hoj o Del hino čačipnaskro.

O Evaňjelium le Janoskro 5:38

A leskro lav na ačhel andre tumende, bo na pačan oleske, kas ov bičhaďa.

Skutki 8:37

[O Filip phenďa: „Te pačas andral calo tiro jilo, šaj.“ Ov odphenďa: „Pačav, hoj o Ježiš Kristus hino le Devleskro Čhavo.“]

Rimanenge 8:16

Oda Duchos korkoro svedčinel amare duchoske, hoj sam o čhave le Devleskre.

Galaťanenge 4:1

Ale phenav: Medik hin o ďeďičis ternoro, ňisoha nane aver le otrokostar, kajte savoro hin leskro.

Galaťanenge 4:6

A vašoda, hoj san leskre čhave, bičhaďa o Del le Duchos peskre Čhaskro andre amare jile – le Duchos, savo vičinel: „Abba, Dado!“

Kološanenge 3:3

Bo imar muľan a tumaro dživipen hin garudo le Kristoha andro Del.

Židenge 3:12

Den tumenge pozoris, phralale, hoj te na avel varekas tumendar nalačho the napačabnaskro jilo a te na oddžal le džide Devlestar.

2. Peter 1:19

Kada amen diňa mek buter pačaben andre oda, so vakerenas o proroka. A mištes keren, hoj tumen zadikhen pre oda prorocko lav, bo hino sar e momeľi, so labol andro kaľipen, medik na avela o džives a e tosaraskri čercheň tumenge na anela o nevo švetlos andro jile.

1. Jan 1:10

Te phenas, hoj na kerďam binos, keras le Devlestar klamaris a leskro lav nane andre amende.

1. Jan 5:1

Sako, ko pačal, hoj o Ježiš hino o Kristus, uľiľa le Devlestar; a sako, ko kamel le Dades, kamel the oles, ko lestar uľiľa.

Zjaveňje 12:17

O drakos choľisaľiľa pre džuvľi a geľa pes te marel lakre avre čhavenca, save šunen le Devleskre prikazaňja a ľikeren o sveďectvos le Ježišoskro.

Zjaveňje 2:17

Kas hin kana, mi šunel, so o Duchos phenel le khangerenge! Oles, ko zviťazinela, dava andral e garuďi manna a dava les parno baroro, pre savo ela pisimen o nevo nav, so na džanel ňiko, ča oda, ko les chudel.“

Zjaveňje 2:28

– avke sar the me priiľom e zor mire Dadestar. A dava les the e tosaraskri čercheň.