1. Jan 4:5 - Le Devleskero Lav Andre Romaňi Čhib Slovensko 2021

⁵ On hine andral o svetos, vašoda vakeren avke sar o svetos a o svetos len šunel.

1. Jan 4:5 ပူးပေါင်းရင်းမြစ်များ

Žalmi 17:4

Me na keravas avke sar aver, doľikeravas tiro lav, pal o droma le maribnaskre manušeskre na phiravas.

Jeremijaš 29:8

Kada phenel o Nekzoraleder RAJ, o Del le Izraeloskro: „Te na tumen klaminen tumare proroka, so hine maškar tumende, aňi tumare veštci. Ma muken tumen aňi pre lengre sune, so džan,

Jeremijaš 5:31

O proroka prorokinen klamišagos, o rašaja vladňinen peskra zoraha a mire manušenge oda avke hin pre dzeka. Ale so kerena, sar avela o koňec?“

Micheaš 2:11

Te avľahas varesavo klamaris a phenďahas: „Prorokinava tumenge but mol the pijiben,“ ov uľahas lačho prorokos kale manušenge!

Лукастар 16:8

A o raj lašarďa le napačivale sluhas, hoj kerďa avke goďaha. Bo kale svetoskre manuša keren jekh avreha goďavereder sar o čhave le švetloskre.

O Evaňjelium le Janoskro 17:14

Me lenge diňom tiro lav a o svetos len našťi avri ačhel, bo nane andral o svetos, avke sar me na som andral o svetos.

O Evaňjelium le Janoskro 17:16

Nane andral o svetos, avke sar me na som andral o svetos.

O Evaňjelium le Janoskro 3:31

Oda, ko avel upral, hino upral savorende. Ko hino pal e phuv, hino pal e phuv a vakerel pal o veci, so pes kerel pre phuv; ale oda, ko avel andral o ňebos, hino upral savorende.

O Evaňjelium le Janoskro 8:23

Ov lenge phenďa: „Tumen san telal, me som upral. Tumen san pal kada svetos, me na som.

2. Timoteoske 4:3

Bo avela ajso časos, hoj o manuša na kamena te šunel o sasto sikaviben, ale rodena peske le učiťeľen, save len sikavena oda, so on kamena te šunel.

Zjaveňje 12:9

A sas avričhido oda baro drakos, oda phuro sap, savo pes vičinel o beng the o satan. Ov, savo peskre klamišagenca odcirdel calo svetos, sas telečhido pre phuv a leskre aňjela leha.