Suão 8:34 - Rikbaktsa

³⁴ Sesus ispe: — Kaharere wasani my. Wabyziutaha! Hawa batu mysapy tsimykaranaha. Ahasopyksapybyitsa tsimykaranaha zeka iwatsahi ahapokzitsiukbyitsa tsikyziknaha. Ahapehatsa Satanas mozik. Iharere bo ma tsikykaranaha iwatsahi ahasopyksapybyitsa tsimykaranaha. Ba hawa tohi zikaha. Iwatsahi ahahumo ahapokzi byitsa niy.

Suão 8:34 ပူးပေါင်းရင်းမြစ်များ

Mateus 5:18

— Ahaspiriktsokdabyihu ja! Moises harere ba zikokza. Mahani ihokzaha bijoikpe epykbyize. Mahani ihokzaha mybarawy kino epykbyize niwatihi iwatahaha ba zikokza. Hawa ty tubabatu ziwatahaka mahani ba zikokza. Tsizubarẽna Deus Moises bo nyny niy atsatu wasani my.

Suão 3:3

Sesus ipe niy: — Tsiwabytotokta! Hawa haja motsasoko wasani my. Ikia kyripuruzo ahahabyizeka batu Deus tyryk zikyzik. Deus tyryk tsimozik tsihikik zeka tsimypurukzokta — niy.

Atos 8:23

Tsazokdirẽta tsimynakara. — Iwa zuba mytsaty tsikykara.

Homanos 6:12

Iwatsahi imysapybara ba zikzihiknaha. Imysapybara bo ka mytsaty mytsaty byitaha! Batu tyso — Estuba zuba imysapybara piakpy tsihikik — iwa ba zikaha.

Homanos 6:16

Ikiahatsa aty bo tsimaha zeka: — O ikia kapehatsa — tsimaha. Yhỹ atakta ahapehatsa mozik. Iharere humo zuba ma tsimykaranaha. Batu petoktsa ahapehatsa, estuba zuba ahapehatsa. Aty zeka imysapybara ty myzihikik atsatu mykara, atahi mohyrikosokdaze sinini ykarawy bo my. Aty zeka Deus harere bo hyỹ mykara Deus ibo pisapywyky hawa tisapyrẽnikia ty mozihikik, iwatsahi wasani mykaranaha, mohyrikosokdanahaze Deus tuk tahawahi mynapykyryknaha. Anaharere botu ahahyrinymyrẽtsa batu petoktsa ahapehatsa ana humo hi mytsatyziutahaktsa kytsa tsimaha.

Homanos 6:6

Tapara hawa ha ty batu imysapy tsikykaranaha. Abaka hawa haty imysapybara ty batu typeha zikaha. Mysopyksapybyitsa tu tsikykaranaha mysukatsihikrẽtsa tsikaha. Abaka meky watu tsimoziknaha, meky watu tsimyzurukunaha tisapyrẽna humo zuba tsimyzihikiknaha. Kiristu nihyrikosokdaze izikwy zuba mytuk mynapykyryk, izikwy humo zuba meky watu tsimyzurukunaha, katsaktsa tasapywyky myzo wata tsimaha.

Homanos 7:14

Kyze tubabatu Deus harere ty mybo niy. Ihyrikoso humo iharere ziwataha. Deus harere ibyky Moises nimyspirikpoko. Anatyhi isapyrẽnikia ty tsipinymyrykynaha. Utakta zuba batu kamysapy mynakara, kasapybyita tu mynakara. Amy ty sa batu imysapy ana kino yhỹ mynakara iwatatu batu ity tsihik. Tabo zuba mykara zeka iwaze Deus hyrikoso bo batu hỹ ziky.

Homanos 7:25

Sesus Kiristu mypehakatsa pikykse hỹ. Ata hi ipunihikanikita, iwatahi izikwy humo kapunihikrẽta mozik. Iwaze uta Deus pe my: — O ikia zuba amysapyrẽnikita — mykara. Uta zubaze imysapybara ty zuba mynakaraze, Kiristu zikwy katuk byizeka imysapybara ty mynakara. Utakta Kiristu zikwy humo Deus harere bo hyỹ mynakara, iwaze imysapybara humo ka ja katy peha peha byity. Niwazuba mynakara.

Homanos 8:21

Katsaktsa Sesus Kiristu wata tsimoziknahaze mybarawy ezytyk mozik. Ba zikpyk isapyrẽnikia mozik hỹ.

Epesios 2:2

Taparaka sispirikpobyitsa harere bo yhỹ tsikykaranaha. Asaktsa Satanas hyrikoso sapybara pehatsa harere piwabyziukunaha siharere bo kino yhỹ tsikykaranaha. Satanas bijoikpe ikny mybarawy bo izumu anaeze mozuruku.

Titu 3:3

Tapara kino katsa Deus harere bo batu hyỹ mysopyk. Kytsa kino niwatihi nimymyikiknaha. Myzokdiarẽtsa tsikykaranaha. Katsa mykparawy ty zuba atsatu tsikykaranaha. Katsa imysapybara ty zuba tsikykaranaha. Anatyhi tsikykaranaha batu mypetu mysopyk. Kytsa myhumo tahakyrikinahaze katsa kino niwatihi sihumo tsikmykyrikinaha, iwa kytsa humo mysopyk.

2 Peduru 2:19

Siharere humo mypehakatsa harere bo batu yhỹ tsimaha, ana soho motsasonaha mybarapetu mykaranaha. Asa hi: — Hawa ha ty katsa tsimyzihikiknaha iwa tsimyzurukunaha. Katsa wasani tsimyzihikiknaha zeka iwa tsimykaranaha. Katsa wasani ahabyi zeka atsatu tsimozihikinahaze Deus mymyoktyhyryk — maha. Asaktsa batu zikaha. Imysapybara ty nizihikiknaha iwatsahi wasaniha ahabyitsa mynakaranaha.