Suão 19:19 - Rikbaktsa

^19-20 Kyze Piratus usta pe: — Tsiwatahakta! niy. sesus nasare ezekta sudeutsa pehatsa — niy. Anahi Sudeutsa harere hi ziwatahaka. Kereko harere niwatihi ziwatahaka. Ratĩ harere kino niwatihi ziwatahaka. Ziwatahabaze iharapatawyhyta Sesus harapu bete zihyrizik. Ana parakbaha pinynaha. Iharapatawyhyta Serusarẽhe pauk baze parakbaha iwataha zinykynaha. Siharere ziwatahaka — Sesus Nasare ezekta Sudeutsa pehatsa — niy.

Suão 19:19 ပူးပေါင်းရင်းမြစ်များ

Mateus 2:23

Iwaze Karireja bo zumunaha. Nasare hudikhudikwy bo niaha. Anaeze niapykyryknaha. Deus sohokotsa tubabatu ziwatahanaha. — Atakta Nasare ezekta my — niaha. Tubabatu ziwatahanaha abazuba atsatu niy. Iwa Sesus Nasare eze niapykyryk

Mateus 27:37

Iharapu bete iwatahaha. sudeutsa pehatsa ziwatahakanaha.

Marakos 15:26

Iharapu bete iwatahaha ty. sudeutsa pehatsa ziwatahakanaha iwa isoho humo hazi nikaranaha.

Rukas 18:37

— O Sesus Nasare ezekta mozumu — nikaranaha.

Rukas 23:38

Iharapu bete botu ziwatahakanaha: sudeutsa pehatsaaha iwatahaha.

Suão 1:49

Natanieu ipe niy: — O ikia Deus tse babata. Ikia Isareu ezekta tu abazubata tsimy — niy.

Suão 18:33

Iwaze Piratus tawahoro bo pakuzo niy. Kytsa pe niy: — Sesus kabo tyzioktyhyknaha — niy. Zioktyhyryknahaze ipe niy: — Ikia hi ja Sudeutsa pehatsa — niy.

Suão 19:12

Ana ziwabykyze nizuke tsihikik. Sudeutsa taparaktsa kazi nikaranaha. — Sesus tsimyzuke zeka Sesa pehatsa harere bo batu yhỹ tsimy, Sesa pehatsa nanabyitaba zipeha. Aparakbaha motsasokonahaze “Ikia mypehatsa”, Sesa Homa ezektsa pehatsa takyri, iwatahi Sesus tsimyzuke zeka Sesa pehatsa harere humo batu yhỹ. Tsimyzuke zeka Homa pehatsa ikia humo takyri — nikaranaha.

Suão 19:14

Tokbaha niyzikze sesta-peira eze niy. Sudeutsa myikaha nakymysohoze niy. Iwaze Piratus tihi: — Atakta ahapehatsa — niy. Iwa Piratus Sudeutsa pe niy.

Suão 19:21

Iwaze taparaktsa Deus wahoro zubata eze ziknapamykysokonahatsa Piratus pe niaha: — “Sudeutsa pehatsa” tsiwatahakanaha batu mykparawy tsimaha. Tsipiwataha zeka. “Atakta botu nitsaso Sudeutsa pehatsa niy” iwa zeka yhỹ tsimaha — niaha.

Suão 19:3

Iwaze ibo ibaba botu ipe niaha: — O Sudeutsa pehatsa ja tsimy — zimyijakanaha. Ziokpypykyknaha.

Atos 26:9

— Tapara Sesus tuktsa iksisukyryky wasani mytsaty ikykara. Sesus Nasare ezekta ituktsa iksisukyryk kahumo sinini nikaranaha.

Atos 3:6

Peduru ipe niy: — Batu kaokyrysaroko — niy. Utakta Deus zikwy humo ape my: — Kyiktykta Sesus humo kyiktykta. Atahi Nasare ezekta humo pãotykta — Peduru niy.