Suão 16:17 - Rikbaktsa

¹⁷ Zinymyrykynahatsa asa zuba nikaranaha: — Hawa skaraba mykara. “Abanurybabatu piksi. Kyze kabo ba ziknynaha. Utakta kazo bo my niy.” Hawaha skaraba mybo nitsasoko. Iharere tsihokdaharẽna.

Suão 16:17 ပူးပေါင်းရင်းမြစ်များ

Marakos 9:10

Yhỹ niaha. — Amy skaraba inahyrizikpo — mytsaty nikaranaha. Sihyrinymyrybyitsa nikaranaha, iwaze asa zuba nipamykysokonaha.

Marakos 9:32

Zinymyrykynahatsa asa zuba: — O amy skaraba “mynahyrizikpo” — mytsaty nikaranaha. Zinymyrykynahatsa tahasikpybyspyk tu batu ity peha.

Rukas 18:34

Zinymyrykynahatsa iharere humo sihyrinymyrybyitsa nikaranaha. Iharere tsihokdaharẽna. Hawa ha iharere piwatawyky naha humo batu sihyrinymyry.

Rukas 9:45

Iharere tsihokdarẽna. Iwaze zinymyrykynahatsa batu sispirikpo. Iwatsahi amy ty iharere piwatawy batu siwabyziuhu. Sisikpybyrẽtsa. Iwatsatu batu ipe aha. Bykyze zinymyrykynahatsa asa zuba nipamykysokonaha.

Suão 14:22

Sudas Tadeu tihi: — Hawa skaraba mybo zuba asoho tsipiwatawyky Asaktsa ahumo sispirikpo ahabyizeka asoho batu tsipiwatawy. Hawa tsimy — niy. Iwa Sudas nitsaso. Atakta batu Sudas Iskariotses. Usta Sudas Tadeu inarokota.

Suão 14:5

Tome: — Hana bo sa tsimykara katsaktsa batu myhyrinymyry. Asapy sa haneze katsaktsa batu myhyrinymyry. Iwatsahi hawa sa nabo tsimykurunaha ana humo hi batu myhyrinymyry hỹ — niy.

Suão 16:1

Sesus: — Kyze iwa ahabo tsizubarẽna iktsasoko. Bykyze kytsa ahape mykaranaha: “O Sesus harere bo batu yhỹ tsimaha! Ihumo niwazuba tsimahaktsa!” mykaranaha. Iwaze kaharere bo mytsaty tykaranahaktsa. Iwatahi tsizubarẽna ahabo motsasoko.

Suão 16:16

Sesus nitsasokozo: — Abanurybabatu piksi, kabo ba ziknynaha. Aiba zuba kabo tsipiknyzonaha — Sesus niy.

Suão 16:18

Amy humo “aiba zuba tsipiknyzonaha”. Iharere myhumo tsihokdaharẽna — nikaranaha.

Suão 16:19

Sesus amo zinymyrykynahatsa mytsaty nikaranaha ana humo kino tsihyrinymyrẽta. Iwaze ispe niy: — Ahabo motsasokozoze “abanurybabatu piksi. Kabo ba ziknyzonaha. Aiba zuba kabo tsipiknyzonaha hỹ”. Ana hi ja tsimytsasokonaha — niy.

Suão 16:5

Sesus nitsasokoze: — Abaka zikpehata bo piksizo. Batu aty tohi kape ziky hana bo sa tsimy. Iwa batu tyso.