Suão 13:27 - Rikbaktsa

^27-29 Sudas atsikara tsakyhy ziokze Sesus ekze niparak. Satanas harere bo hyỹ niy. Iwatahi hyrikoso sapybara ituk mynapykyryknaha. Sesus ipe niy: — Aidytykta! Hawa tsimyzeka aidytykta — niy. Sudas zinymyrykynahatsa okyrysaro zikziperykyta. Iwaze wastuhu kytsa mytsaty ahabyitsa nikaranaha. — O mydisahawy bo ja — nikaranaha. Ustsa kytsa: — O sinamybyikitsa bo okyrysaro ty nyny my. Ana humo hi Sesus ipe niy: “Aidytykta”. — mytsaty ahabyitsa nikaranaha. Batu aty tohi Sesus harere bo siwabyhy. Sihyrinymyrybyitsa tu Sudas niparak. Amy humo nitsaso — Aidytykta! Hawa tsimyzeka aidytykta — niy. Anahi nitsasoze zinymyrykynahatsa batu sihyrinymyry. Iharere sihumo tsihokdaharẽna.

Suão 13:27 ပူးပေါင်းရင်းမြစ်များ

Mateus 12:45

Kyze niparakzo. Hyrikoso sapybara nisihobykzo. Ustsa bo, sete ispe my: “Panytaha! Katuk tsimahaktsa. Maku bo tsimaha” mykara. “Atakta anaeze mysapy ziknakara. Ibo pororo tsimykaranahaktsa! Ituk tsimypykyknaha” niy. Iwa hyrikoso sapybara simysapybyikitsa maku bo nisioktyhyryk. Maku tuk mynapykyryknaha. Tapara maku batu iaku ihyrikoso sapybara estuba ituk. Abaka tisukatsihikrẽta babata iakubyikita hyrikoso sapybara oito humo. Iwa ikiahatsa niwatihi batu simysapy tsimaha — Sesus niy.

Mateus 4:10

— Batu ba. Nabo pãoty Satanas! — Sesus niy. — Tubabatu taparaktsa Deus harere papeu humo ziwatahakanaha hi: “Deus bo zuba tynapamykysokonaha ‘Ikia tsamysapyrẽta’ atabo hi ‘Ikia zuba tsimysapyrẽnikita’ tsimy, iharere bo zuba hyỹ tynakaranaha.” Deus watahaha, iwa taparaktsa ziwatahakanaha — niy.

Marakos 6:25

Iwaze aidy atatsa ziksizo. Erodes pe niy: — Suão Batista harek ty kabo nyny tsimy hỹ. Aidy iharek ty mypewy eze korok tsimy iwaze kabo tyny — niy.

Rukas 22:3

Niytahi Satanas Sudas tuk niapykyryk. Sudas usa naro Iskariotses inarokota. Sudas Sesus tuk zinymyrykyta.

Suão 13:2

Zinymyrynahatsa tuk tadisahaka. Sudas Iskariotses Sesus sukyrytsitsa bo pioktyhyryk. Sesus soho sukyrytsitsa bo motsasoko. Sudas Iskariotses Simotse my. Hyrikoso sapybara pehakatsa Satanas humo Sudas Iskariotses Sesus isukyrytsitsa bo pioktyhyryk isopyksapybyita nikara.

Suão 6:70

Iwaze Sesus ispe niy: — Utakta dose mytsyhyrytsa hawa zinymyrykynahatsa iksiwatawyhik. Estuba ahatukta Satanas mozik — niy.

Atos 5:3

Niytahi Peduru ipe niy: — Amo sa Satanas harere bo hyỹ tsiky. Amy humo sa Deus hyrikoso bo zispihikbata tsihikik. Amy humo okyrysaro jokboha zuba tsiky.