Suão 11:41 - Rikbaktsa

⁴¹ Iwaze kytsa harahare zipetuhiknaha. Sesus Deus bo nipamykysoko: — O kazo kaharere tsiwabyikik. Iwatahi “Ikia tsamysapyrẽta” mykara.

Suão 11:41 ပူးပေါင်းရင်းမြစ်များ

Mateus 11:25

Kyze Sesus Deus bo nipamykyso: — O kazo abazubata. Ikia hi bijoikpe ezektsa pehatsa. Ikia hi mybarawy ezektsa pehatsa. Ikia zuba wasani tsimykara. Tapara hawa tsimykara sihyrinymyrẽtsa bo ziokpitsĩ. Batu isty watawy. Sihyrinymyrẽtsa papatu batu isty watawy. Asaktsa sihyrinymyrybyitsa tu sibo hi tsiksiwatawyky. Hawa tsimykara tsiksiwatawy. Kytsa jabasitsa watsa tsiksiwatawyky. Asaktsa batu simyi.

Mateus 11:26

Iwa tsimyzihikik iwatahi “O tisapyrẽna” kazo my — Sesus niy.

Mateus 27:60

Iyktaba ezytyk anaeze inury ty hoekare niy. Harahare bobyri ihok bo zihokbore. Iwaze niparak.

Marakos 15:46

Sose panu kõpara niy inury inazipikze, panu ty ziakwaraka. Tubabatu harahare yktaba nitsahoknaha, abaka anabo hi nitsahok. Harahare bobyri ihok bo zikorore. Zihokbore.

Rukas 10:21

Kyze Deus hyrikoso humo tsakurẽta. Deus bo nipamykysoko: — O kazo ikia zuba abazubata. Ikia hi bijoikpe ezektsa pehatsa. Ikia hi mybarawy ezektsa pehatsa. Ikia zuba wasani tsinakarata. Iwatahi sihyrinymyrẽtsa bo hawa tsimykara ziokpitsĩ. Batu isty watawy. Sihyrinymyrẽtsa papatu batu isty watawy. Sizubarẽtsa sihyrinymyrybyikitsa hawa tsimykara tsiksiwatawyky. Kytsa jabasitsa watsa hi tsiksiwatawyky. O Deus kazo yhỹ my. Wasani tsimykara. Iwa tsimyzihikik ana humo hi tsimysiwatawyky — niy.

Rukas 18:13

Iwaze okyrysaro bykyktsa nokponi tu rikto ahata. Bijoikpe bo iktsa ahabyita tu nikara. Wytyk bo zuba okmymy ahata nikara. Tarok humo zuba baybay nikarata. Iwaze hi Deus bo nipamykysokota iwa nikara: “O Deus kahumo amypokzitsihukta! kamysapybyita tu mykara” nikara.

Rukas 24:2

Harahare hoke bo iktsa niaha. Harahare puẽtsikbyita ty meky botu zikare niy.

Suão 11:22

Amy Deus bo tsimyzapykyky atsatu abo nyny my. Ikia Deus bo tsimypamykysoko zeka kaokaha soho amy tsimyzapykyky anahi abo nyny my — niy.

Suão 17:1

Kyze Sesus bijoikpe bo iktsa niy, tazo bo nipamykysoko: — O kazo utakta atse babata my. Nawa ty botu tsiktsasoko kasoho ana hi myzubaha bo iky uta kamysapyrẽnikita kapunihikrẽnikita tsiky ana hi tsiwatawyky. Uta kino niwatihi my. Myzubaha bo iky “O Deus kazo imysapyrẽnikita ipunihikrẽnikita iwa iksiwatawy”.

Suão 20:1

Kyze zokorobyitu Maria Madarena iytyk bo niukuru. Miwa botu domiko eze atatsa iytyk bo zumuku. Zumuze harahare ihokbowy hana bo ja, sukyhy zikare niy. — O aty sa inury zibykyk — mytsaty nikara.

Atos 7:55

Deus hyrikoso Estewã tuk niapykyryk. Deus hyrikoso ituk tu bijo bo iktsa niy. Anaeze okoro zikywa Deus baze Sesus bo iktsa niy. Sesus Deus panuryk taba niriktohoko. Ibo iktsa niyze ispe niy:

Piripẽses 4:6

Batu paikpa mytsaty tsimykaranaha. Batu ahape tu ahasopyk: — O Deus myzo kahumo pipokzitsi ja. Batu kanyhy — tsimaha. Iwa batu tyso. Ikiahatsa hi Deus bo tsimypamykysokonaha, amy humo ahakubyri ibo tsimyzapykykynaha. Ikiahatsa hi: — O Deus myzo amy humo pikykubyri eze ka abo myzapykyky. Hawa ha myzehikik zeka kabo nyny tsimy iwatahi kakurẽta mykara — tsimaha.