Rukas 9:28 - Rikbaktsa

²⁸ Kyze estuba mytsyhyrytsa nisipyk naha sapy bo Sesus Peduru, Tsiaku, Suão ahatsa nisioktyhyryk. Asa zuba hara bijobonita bo nidokoroknaha.

Rukas 9:28 ပူးပေါင်းရင်းမြစ်များ

Mateus 14:23

Kytsa sizubarẽtsa nitururukbanahaze Sesus tapetu isopyk: — Kazo bo mopamykysoko. — Kyze hara bo nido. Deus bo nipamykysoko. Zunubakaze ata zuba Deus bo nipamykyso.

Mateus 5:1

Kyze Sesus myzubaha bo iktsa niyze hara bo nido. Anaeze tadyhy zinymyrykynahatsa ibo zumunaha.

Marakos 1:35

Kyze zokorobyitu Sesus inapopoze jerukbara bo niparak. Anaeze Deus bo nipamykysoko.

Marakos 6:46

Myzubaha ziksibanahaze, Sesus hara bo nido. Anaeze Deus bo nipamykysoko.

Rukas 3:21

Kyze Suão aparakbaha nisiharasusubaze Sesus ibo izumu ipe niy: — Tsikarasusukta — niy. Iwaze Suão Sesus hi ziharasusu. Sesus Deus bo nipamykysokoze bijoikpe sakpare niy.

Rukas 5:16

Sesus kino jerukbara bo atazuba niparak. Anaeze Deus bo nipamykysoko.

Rukas 6:12

Kyze Sesus hara bo nido. Unata Deus bo nipamykysoko. Inakyokze Sesus tuk zinymyrykynahatsa bo nisiwatawyky.

Rukas 8:51

Kyze Sesus Peduru, Tsiaku, Suão, Sairu, Sairu oke, iwatsa zuba wahoro bo inapupunaha.

Rukas 9:18

Kyze Sesus atazuba Deus bo nipamykysoko. Zinymyrykynahatsa ibo zumukunaha. Niytahi Sesus zinymyrykynahatsa bo nipamykysoko. Sesus: — Hawa skaraba kahumo maha myzubaha mytsaty mykaranaha — niy.

Suão 6:3

Iwaze Sesus hara bo nido. Zinymyrykynahatsa tuk nidyhydyhykynaha.

2 Korĩtios 13:1

Abaka harakykbyihi ahabo mynakozore. Aba ahabo mynakozorezo. Deus harere papeu humo ziwatahaka: — Aty zeka usta maku soho motsasoze: “O tohi batu mysapy my” ba hỹ taha. Petoktsa zuba harakykbyihitsa ja mopamykysokonaha iwa kytsa maha zeka: “O tohikta batu mysapy my” iwaze yhỹ tsimaha — niy. Iwa Deus harere papeu humo ziwatahaka.

Ebereus 5:7

Sesus mybarawy ezekta tu Deus bo ziknapamykysoko. Deus bo hua hua niy, ihyritsik zipoko. Deus zikwybata tu nizihikik zeka ziakse iwa zeka batu zikyrikosokda. Iwaze Deus zitsumuẽhĩkĩ Sesus tasoho bo zuba batu mytsaty ziknakara, tazo bo zuba mytsaty ziknakara. Iharere bo zuba hyỹ ziknakara. Iwatahi Deus iharere ziwabyky.

2 Peduru 1:16

Katsa tsimytsasokonaha batu amybara petu mysopyk mypehakatsa Sesus Kiristu mybarawy bo myziksizo ana tyhi tsimytsasokonaha. Myziksizoze aparakbaha izikwy bo mokozonaha. Anaharere ikiahatsa bo iktsasoko. Ana kino Deus harere my katsaktsa izikwy botu tsinynaha atahi tsipunihikrẽta.