Rukas 6:27 - Rikbaktsa

²⁷ Kaharere tsipiwabykynahatsitsa. Uta ikiahatsa pe my: — Ahasukyrytsitsa tysipokzitsinaha! Ahasukyrytsitsa tysisapywykynaha zeka wasani tsimykaranaha.

Rukas 6:27 ပူးပေါင်းရင်းမြစ်များ

Marakos 4:24

— O wabyziutahaktsa kytsa! Hawa ustsa kytsa ahasopyk ana kino Deus ahabo isopyk. Ikiahatsa ustsa kytsa mysisapywyky zeka Deus pahasapywyky. Ikiahatsa ustsa bo tsimysisapybyrikinaha zeka ahasopyk, iwaze Deus kino niwatihi ahabo atsatu isopyk Deus ahahumo iakyri mozik.

Rukas 23:34

Sesus Deus bo nipamykysoko: — O kazo kytsa sihyrinymyrybyitsa kahumo mykaranaha ba ziktsapusare. Sisopyksapybyitsa tu tysiokzohik — niy. Iwa Deus bo nipamykysoko. Niahatsahi Sesus suk zibokiknahaze hi sodadutsa zibiakaknaha.

Rukas 6:22

Ahakurẽtsaktsa kytsa ikiahatsa humo tahakyrikinahaze ahape: “Nabo pãotaha!” mykaranaha. Katuktsa humo takyrikinaha. Iwaze ikiahatsa Deus tyryktsa tsimoziknaha. Siharerewabymybarẽtsa, ahaharere pisapybyrikinaha zeka ahakurẽtsaktsa! — niy.

Rukas 6:35

Ahasukyrytsitsa tysipokzitsikinaha! Tysisapywykynahaktsa! Ahanamy ty nynyspyktaha! Iwaze ahanamy ja myzisizo. Ba ahanamy ziperynaha. Iwaze ahanamy baba Deus tuk tsizubarẽna. Deus hyrytsa tsimoziknaha.

Rukas 8:15

Ustsa Deus harere piwabykynaha. Asahi sisapyrẽtsa. Deus tihi: “Asaktsa wasanikitsa” nikara. Deus harere piwabyziukunaha. Deus wasania ty humo sispirikporẽtsa moziknaha. Deus harere bo hyỹ mykaranaha. Iwatsahi wihara nijakuk naha watsa — Sesus niy.

Rukas 8:18

Wabyziutaha! Pinymyrytohitakta. Aty kahumo mospirikpo zeka mektsa namy ty nyny my. Aty kahumo ispirikpo zeka tsikaeni zuba pinymyryky ana hi mospiriktsokda zuba — Sesus niy.

Rukas 8:8

Ustsa riktsaktsa mahani. Asaktsa jytykziuha bo inatsukunaha tsahi sisapyrẽtsa taypyknaha tahasukuknaha nipopobanahaze. Sisukbozuarẽtsa niyziknaha Sesus nikara: Kaharere tsipiwaby tsihikiknaha zeka wabytaha — niy. Iwaze Sesus waratok pariktsa soho humo ziwatawyky, ana humo kytsa nisispirikpoko.

Atos 10:38

Deus hyrikoso ituk niapykyryk. Tazikwy ty ibo nyny niy. Iwatahi myzubaha bo nisisapywyky. Hyrikoso sapybara kytsa bo pororo ziknakaranaha tsahi nisiksiwyhik. Hyrikoso sapybara pehatsa kytsa bo nisipehaka asahi nisiksiwyhik. Deus Sesus ituk tu niy.

Atos 16:28

Niytahi Pauro ibo nikozoze huahua niy. — Aty beze bezebyity. Iktsa tsimy. Katsa anaeze tsimypykyryknaha. Iwatahi apyby byihu ja — niy.

Atos 7:60

Deus bo opykani huahua nikara: — O kapehatsa Sesus, kytsa simysapybyri humo tysiokzo — niy. Niytahi nihyrikosokda. Sauro Estewã zibeze tsihikik, kytsa zibezenahaze wasani niy. Bykyze kytsa Sesus tuktsa Deus harere bo hyỹ nikaranaha, Estewã nury zebykyryknaha. Iytyk bo nitsahoroknaha. Ipokzi nipuziukunaha.

Karatas 6:10

Iwatsahi tyharapetsumuẽhĩkĩnahaktsa kytsa! Asaktsa mytukytsa Sesus tuktsa asa bo hi tsipisapywykynaha hỹ.

1 Tesaronisẽses 5:15

Pykyhytutaha! Ikiahatsa aty pahakyrity zeka ba zikatsapusare. Aty pahakyrityzeka ba zikaha tsapusare. Ikiahatsa tsipokzitsinaha. Ahatuk sasabyitsa humo tysipokzitsikinaha hỹ.

3 Suão 1:11

Kaijo kaharereziuwy wasania ty zuba tisopykdu imysapybara ty ka sopykdu sopykdu byitaha. Aty wasania ty zuba mykara zeka atahi Deus tukta aty imysapybara ty zuba mykara zeka atahi Deus batu inyhy, ispirikpobyita Deus humo batu sihyrinymyry.