Piripẽses 4:6 - Rikbaktsa

⁶ Batu paikpa mytsaty tsimykaranaha. Batu ahape tu ahasopyk: — O Deus myzo kahumo pipokzitsi ja. Batu kanyhy — tsimaha. Iwa batu tyso. Ikiahatsa hi Deus bo tsimypamykysokonaha, amy humo ahakubyri ibo tsimyzapykykynaha. Ikiahatsa hi: — O Deus myzo amy humo pikykubyri eze ka abo myzapykyky. Hawa ha myzehikik zeka kabo nyny tsimy iwatahi kakurẽta mykara — tsimaha.

Piripẽses 4:6 ပူးပေါင်းရင်းမြစ်များ

Mateus 10:19

Ahatsipa humo pahaoktyhyryknaha zeka ahaharere soho bo mytsaty mytsaty byitaha! Sipehatsa okeryk tsimytsasonahaze Deus pahatsumuẽhĩ. Iwatsahi ahaharere ty Deus hyrikoso humo mytsaty tsimaha. Ihumo ahahyrinymyrẽtsa hỹ.

Mateus 13:22

Ustsa Deus harere piwabykynaha. Asahi riktsa hyrity watsa inikoso bo inatsukunaha. Wasaniha piwabykynahaze tahanamy bo zuba mytsaty mytsaty nikaranaha. Tahanamy mozihikiknaha zuba. Deus harere humo sakubyri zumunahaze ihumo batu sispirikpo. Asahi wihara waha batu jakuk.

Mateus 6:34

Iwatsahi byiri ka mytsaty mytsaty byitaha! Aba zuba mytsaty tsimaha. Abaka amy ty tsihokdaharẽna tsimaha zeka Deus pahatsumuẽhĩ. Amy ty tsihokdaharẽna byiri ka mytsaty mytsaty byitaha. Aba zuba ahaspitu tsimaha. Byriri ja. Byri mozumu zeka kyze hawa tsimaha zeka mytsaty tsimaha. Deus ahahumo tsimypokzitsiukrẽta, tahi pahatsumuẽhĩ — Sesus niy. Iwa zinymyrynahatsa pe niy.

Mateus 6:8

— Iwa zeka batu ahasopyk. Ahazo ahasoho humo tsihyrinymyrẽta. Amy humo ahakubyri tsihyrinymyrẽta. Amy humo ahaku byri zeka tsizapykykynahaze botu inymyry. Tysapyky ahabyizetu ana humo tsihyrinymyrẽta — Sesus niy.

Rukas 10:41

Sesus atatsa pe niy: — O batu, ikia hi paikpa mytsaty tsimykara, tsahyriziktsokdaharẽtatsa hi. Maria zuba wasani mykara. Tisapyrẽna piwabyky. Hawa pinymyryky ba aty tohi jekze ziakse — Sesus niy.

Rukas 12:22

Iwaze Sesus sibo mynamy soho nisispirikpoko. Zinymyrykynahatsa pe niy: — Ahanamy bo ka mytsaty mytsaty byitaha. Iwa zeka paikpa mytsaty tsimykaranaha “O amy ty sa tsimymydisahanaha ba zikaha. O amy ty sa mysuk tykorobyk tsimaha ba zikaha.” Ahadisahawyky zeka wasani tsimaha. Ahasukok zeka wasani tsimaha.

Rukas 12:29

Iwaze Deus ahasuk ty ahabo nyny my. Ikiahatsa Deus humo jokboha zuba ahaspirikpo zeka atahi ahanamy ty ahabo nyny my — niy. — Iwatsahi mytsaty mytsaty byitaha. Batu tyso: “Amy ty sa tsimymydisahanaha. Amy sa tsipikunaha” niy.

Rukas 18:1

Sesus haramukuka soho nitsasoko. Zinymyrykynahatsa nisihyrinymyryky. Hawa kytsa Deus bo myzapykykynaha, ibo mopamykysoikiknaha ba pyk zikaha. Iwaha humo zinymyrykynahatsa nisihyrinymyryky. Iwatahi haramukuka soho nitsasoko.

Rukas 18:7

Deus ta abazuba tsimysapyrẽta. Ikiahatsa ahatuktu zuba: “O Deus ja mymytsumuẽhĩ tsimaha” iwa ba ziktsasonaha. Mymytsumuẽhĩ tsihikik hỹ. Iwatsahi ibo tynapamykysoikiknaha. Unata okoroze ahaeze Deus bo tynapamykysokonaha.

1 Korĩtios 7:21

Deus zahawatawyze tarabajaziu tykaranaha batu okyrysaro humo ka. Ana soho humo hi mytsaty mytsaty byitaha! Apehakatsa tsinamyrẽta itsyhyryze tarabajaziu tsimahakta! Apehakatsa tsinamyrẽta ape tsiksita my zeka wasani tsimoparak iwaze tarabaja okyrysaro humo tsimaha.

1 Korĩtios 7:32

Utakta ahahumo mozihikik ahanamy humo ka mytsaty mytsaty byitaha! Atakta batu isukza Deus soho bo zuba mytsaty mynakara. Atahi: — Hawa sa my. Deus humo tsakurẽta my hawa sa my — mynakara. Iwa mytsaty mynakara.

2 Korĩtios 1:11

Ikiahatsa niwatihi Deus bo mytsyhyryze tsimypamykysonahaktsa! Mytsyhyryze Deus bo tsimypamykysonahaze Deus mymytsumuẽhĩkĩ. Isapyrẽnikia ty mybo nyny my. Myhumo tsimypokzitsiukrẽta iwaze kytsa ipe: — O myzo Pauro tuktsa humo niwatihi sihumo tysipokzitsiki, ikia zuba tsamysapyrẽta — maha. Iwa kytsa sizubarẽtsa Deus humo sakurẽtsa maha.

Epesios 5:20

Iwaze nanabyitaba ikiahatsa Deus bo tsimysakibazikiknaha. Ikiahatsa tihi: — O Deus myzo ikia zuba amysapyrẽnikita. Ikia zuba apunihikrẽnikita, ikia amysakikynikita iwatsahi ikia humo ka mykurẽtsa tsimaha — my. Iwa Deus bo tsimypamykysokonaha hỹ.

Epesios 6:18

Deus bo tynapamykysonahaktsa! Hawa Deus hyrikoso mozihikik ana hi tyzapykynahaktsa! Ahazikara byihuja tsiperykynahaktsa. Deus bo typamykysonaha. Tsibyituhukutunaha. Ikiahatsa tihi: — O myzo Sesus tuktsa tsyhyryze tsimyzapykynaha. Nanabyitaba atyryktsa tsyhyryze tsimyzapykynaha.

Korosẽses 3:15

Kiristu zuba pahakusukniki iwatsahi astsa botu mytsaty tsimykaranaha. Ikiahatsa hi: — O Kiristu tymytsumuẽhĩkta. Iwaze myhyrinymyrẽtsa babatsa tsimoziknaha. Katsaktsa Kiristu humo atsa botu mytsaty tsimykaranaha — tsimaha. Ana humo hi Deus nimywatawyhik. Iwatsahi Deus bo tsimypamykysokonaha: — O myzo ikia zuba tsamysapyrẽta. Ikia humo ka mykurẽtsa — tsimykaranaha.

Korosẽses 3:17

Iwatsahi nawa ha ty tsimykaranaha zeka ana hi Sesus tuktsa pokzi tsimykaranaha. Nawa ha ty tsimytsasokonaha zeka ana hi Sesus pokzi tsimykaranaha. Iwaha hi Deus mozihikik atsatu tsimykaranaha. Deus bo tsimypamykysoikiknaha: — O Deus myzo tsamysapyrẽta. Sesus mysapyzeky nihyrikosokda iwatahi tsamysapyrẽta — tsimykaranaha.

Korosẽses 4:2

O kytsa Sesus tuktsa Deus bo tynapamykysoikiknahaktsa. Ahazikabyihuktsa Deus bo tsimypamykysonahaze wabyziutaha! Ikiahatsa hi: — O Deus ikia humo ka mykurẽtsa — tsimynakaranaha.

1 Timoteo 2:1

Tapara ahape my: — Deus bo typamykysonahaktsa! Myzubaha tsyhyryze Deus bo typamykysonahaktsa. “O Deus tysitsumuẽhĩkĩ tsimaha. O myzo sihumo tsimypokzitsiarẽta tsimaha. Ikia zuba wasani tsimykara” tsimykaranaha — iky. Iwa ibo tsimypamykysonaha. Kytsa tsyhyryze Deus bo tyzapykykynahaktsa! Amy tisapyrẽna anahi istsyhyryze tsimyzapykykynaha.

1 Timoteo 5:5

Haramukukaka asiza zubaza atatsa Deus bo mopamykysoikik. Atatsa ustsa tsyhyryze Deus bo mopamykysoikik. Pibyituhukutu atatsa Deus bo myzapykyikik. Unata eze kino niwatihi atatsa Deus bo mopamykysoko. Atatsa Deus humo tispirikporẽtatsa. Kytsa atatsa bo disahawy ty nynytaha! Atatsa bo isuk ty nynytaha tsimaha.

1 Peduru 4:7

Aibani tsizubarẽna nepyk. Ikiahatsa hi Deus bo tsimypamykysokonaha. Batu ahakubyrizikzumu. Ahape tu ahasopyk tsimykymynahaktsa iwaze Deus bo tsimynapamykysokonaha.

1 Peduru 5:7

Paikpa mytsaty tsimykaranaha zeka Deus bo tsimypamykysonaha: — O Deus myzo paikpa mytsaty ikykara. Ikia humo kaspirikporẽta iwatahi ikia tsipiktsumuẽhĩ — tsimaha. Iwa ibo tytsasonaha iwatahi ahahumo tsimypokzitsiukrẽta mynakara.