Marakos 7:2 - Rikbaktsa

² Taparaktsa sopykwy ty nisihyrinymyrykynaha. Tapara tahatsyhyrype pikiknaha iwaze tahadisahakanaha. Taha ty tsyhyrype pik byizeka ba ziktahadisahanaha.

Marakos 7:2 ပူးပေါင်းရင်းမြစ်များ

Mateus 15:2

— Atuk pinymyrykynahatsa taparaktsa myzotsa sopyk humo batu yhỹ nikaranaha. Tapara tahatsyhyrype piknaha iwaze tadisahanaha. Taha ty tsyhyrype pik byizeka ba zik tahadisahanaha. Asahi taha ty tsyhyrype pikbyitsa tu ziknatahadisahakanaha iwa taparaktsa harere bo batu yhỹ ziknakaranaha. Batu sapy — niaha.

Marakos 7:5

Sesus tuk zinymyrykynahatsa tahadisahanahaze ba ziktahatsyhyrype piknaha. Taha ty tsyhyrype pikbyritsa tu tahadisahakanaha. Taparaktsa sopykwy humo yhỹhabyitsa nikaranaha. Iwaze Pariseutsa Moises harere watahatsitsa niwatihi ana bo kino iktsa nikaranahaze ipe niaha: — Amy humo zinymyrykynahatsa taparaktsa mydiritsa sopykwy yhỹhabyitsa nikaranaha. Amy skaraba sitsyhyrytsape pikihikbyitsa tu tahadisahakanaha — niaha.

Rukas 11:38

Niytahi Sesus ipe niy: — Ikiahatsa Pariseutsa ahamypewytsa ahaokporosuktsa kino niwatihi sisupetaba zuba tsinasipikiknaha.

Atos 10:28

Niytahi ispe niy: — O kytsa wytykyryk iwatsa katsaktsa Sudeutsa tsimaha. Bipyritsa tuk tsimyzuzuknaha batu zikaha. Batu sibo ziknakozorenaha. Deus zikwatawy meky watu zik niy. Katsa bipyritsa soho “Batu wasani ahabyi zeka” batu imysapy tsimykaranaha. Anaty hi Deus pikyrinymyryky.

Atos 11:8

Batu ba. Asaktsa batu kawahatsa. Sudeutsa batu niwaha ty ka hauk zikaha. Utakta Sudeu iwatahi ba zikboro.

Homanos 14:14

Hawa Sesus mytsaty mykara uta kino niwatihi mytsaty mykara. Disahawy tsizubarẽna kabo ty wasani ana humo kahyrinymyrẽta. Ustsaktsa hi: — O ana disahawy kahumo batu wasani — mykaranaha. Iwaze asaktsa ana disahawy ty tahadisahakaranaha zeka sihumo ka batu sapy. Iwatsahi pimysapybyikinaha.

Ebereus 10:29

Abaka kytsa siwatsa maha, asahi Deus tse humo batu siharereziu. Deus botu ispe: — Ahamysapyrẽtsa tsimoziknaha. Katse ahasapyzeky nihyrikosokda ahamysapybyitsa tsikykaranaha Sesus humo zahaokzohik iwatsahi ahamysapyrẽtsa tsimoziknaha — niy. Asaktsa katse harere bo batu hỹ niaha. Asahi: — O Deus atse nihyrikosokda katsaktsa ihumo batu mospirikpo, iharere bo batu hỹ tsimaha — mykaranaha. Iwa niahaze Deus hyrikoso soho pisapybyikinaha. Ihyrikoso sihumo tsimypokzitsiukrẽta my, asaktsa ihumo pisapybyikinaha. Iwatsahi sinini mykaranaha. Kytsa Moises harere bo batu hỹ nikaranaha sinini nikaranaha. Asa hi Deus hyrikoso zisapybyrikinaha sinini mykaranaha hỹ.

Apokaripisi 21:27

Sihudikhudikwy aty imysapybara ty mykara zeka ibo ba ziktsuk imysapybara tuk zeka ba ziktsuknaha. Aty imysikpybytyhaka humo my zeka ba ziktsuk, mospihikbata humo kino ba ziktsuk, ikatsahi zuba Deus sinaro papeu humo ziwatahakanahatsa zuba ihudikhudikwy bo mopupunaha. Asa hi zuba hozipyrykza tsibik wa tuktsa. Iwa Deus tuk mynapykyryknaha asa hi ihudikhudikwy bo mynapupunaha. Iwa hỹ.