Homanos 16:20 - Rikbaktsa

²⁰ Deus ba hawa tohi zizukninaha iwaze Satanas zikwy myzipapykik iwaze ba zahayknizo iwatsahi ikiahatsa Satanas bo ka mytsaty mytsaty byitahaktsa! Iwaze Deus bo ahatsyhyryze ikpamykysoko: — O Deus myzo tysisapywykykta! — mykara.

Homanos 16:20 ပူးပေါင်းရင်းမြစ်များ

Mateus 4:10

— Batu ba. Nabo pãoty Satanas! — Sesus niy. — Tubabatu taparaktsa Deus harere papeu humo ziwatahakanaha hi: “Deus bo zuba tynapamykysokonaha ‘Ikia tsamysapyrẽta’ atabo hi ‘Ikia zuba tsimysapyrẽnikita’ tsimy, iharere bo zuba hyỹ tynakaranaha.” Deus watahaha, iwa taparaktsa ziwatahakanaha — niy.

Rukas 10:19

Wabytaha! Uta ikiahatsa bo kazikwy ty botu nyny iky. Ikiahatsa pyryhyk bete tsimyzonaha zeka ba zahasisi. Ikiahatsa pikzaha bete tsimyzonaha zeka ba zahahohoro — niy. — Batu amy tohi ahamyiwyky. Ahasukyrytsitsa humo ba zahamyiwynaha — niy.

Homanos 15:33

Deus bo ahatsyhyryze mopamykysoko: — O Deus myzo Homa ezektsa tysipokzitsikta! Batu paikpa mytsaty mykaranaha ahumo sakurẽtsa moziknaha — my. Iwa hỹ.

Homanos 16:23

Kaijo ahahumo tsihyrizikbarẽta. Uta Pauro iwahoro eze ikapykyryk. Anaeze Sesus tuktsa mozumubanaha asa kino niwatihi ahahumo sihyrizikbarẽtsa. Erasto ahahumo tsihyrizikbarẽta, Korĩtio ezektsa atakta okyrysaro perykytsa. Mytsy Kuarato niwatihi ahahumo tsihyrizikbarẽta.

Homanos 8:37

Amy skaraba namysapybyrikinahaze Deus hyrikoso humo mypunihikrẽtsa tsimoziknaha. Kiristu myhumo tsimypokzitsiukrẽta iwatsahi meky watu tsimoziknaha hỹ. Izikwy humo mypunihikrẽtsa tsimoziknaha.

1 Korĩtios 16:23

Utahi: — O Deus myzo Korĩtio ezektsa Sesus humo sispirikporẽtsa tysisapywykykta — my.

Karatas 6:18

O katukytsa ahatsyhyryze Deus bo mopamykysoko: — O Deus mypehakatsa Sesus Kiristu Karatas ezektsa tysisapywyky — my. Iwa mozihikik hỹ. Niwazuba. Deba. Pauro

Piripẽses 4:23

Iwaze utakta ahatsyhyryze Deus bo mopamykysoko: — O Deus myzo Sesus tuktsa Piripos ezektsa tysisakihikykta! Mypehakatsa Sesus Kiristu tysipokzitsikikta! — mykara. Niwazuba. De. Pauro

1 Tesaronisẽses 5:28

Abaka Deus pe my: — O Sesus Kiristu tysipokzitsikikta. Sihumo amypokzitsiukta — my. De. Pauro

2 Tesaronisẽses 3:18

Abaka Deus pe my: — O mypehakatsa Sesus Kiristu tysipokzitsiki. Sizubarẽtsa humo tsimypokzitsiukrẽta — my. De. Pauro

2 Timoteo 4:22

O Timoteo atsyhyryze Deus bo mopamykysoko ipe mykara: — O Deus myzo ikia humo Timoteo tsipunihikrẽta mozik. O myzo Sesus tuktsa kino niwatihi tysipokzitsiki — my. Iwa atsyhyryze Deus bo mopamykysoko. Iwa hỹ. De. Pauro

Piremo 1:25

Deus bo ahatsyhyryze mopamykysoko: — O Deus myzo Sesus Kiristu ikia tysisapywyky. Siwahi tsimynapykyryk — my. Iwa Deus bo mynapamykysoko. De. Niwazuba. Pauro niy

1 Suão 3:8

Kytsa simysapybyitsa ziknakaranaha asaktsa hyrikoso sapybara pehakatsa Satanas hyrytsa. Tapara Deus bijoikpe mybarawy nizuknize Satanas Deus harere bo batu hỹ niy. Deus tse babata mybarawy ezektsa bo inasikze Satanas zikwy zipykbaik iwaha bo hi Sesus inasik.

Apokaripisi 12:10

Kyze iaksoho iwaby bijoikpe ikny kakaik niy. Atahi: — Abaka Deus tyryktsa tabo mysioktyhyryk. Mybarawy ezektsa sibetesatsa ana ihyriziktsokzawy nepykba. Abazubatsa izikwy bo iktsa niaha. Izikwyrẽnikita tu hawa tohi ba zikzukninaha. Deus zipehata mywata Sesus Kiristu atahi kytsa abazubatsa. Isokpykziurẽnikita. Tsihyrizikporẽnikita. Hotsoikarazata tsiharerewabymybarẽta bijoikpe ikny itapapykwy. Mytukytsa soho Deus bo nisispihikbataikik. Okoroze unata kino niwatihi Deus okeryk sisoho ty zispihikbataikik. Deus tihi bijoikpe ikny inapapykik.

Apokaripisi 22:21

Aba nepyk Sesus pe my — O mymypokzitsikitsa ahyrytsa meky watu moziknaha myhumo tsamypokzitsiukrẽta! iwatsa humo tu amypokzitsihukta — my. Iwa hỹ.