Homanos 10:11 - Rikbaktsa

¹¹ Deus harere papeu humo iwatahaha: — Aty zeka Sesus harere bo hyỹ mykara atakta batu sikpyby ihumo tispirikporẽta mozik — niy.

Homanos 10:11 ပူးပေါင်းရင်းမြစ်များ

Homanos 10:10

Katsaktsa Sesus harere bo hyỹ tsimykaranahaze Deus mype niy: — Kaokze ka Kiristu humo ahamysapyrẽtsa tsimoziknaha — my. Tsimytsasokonaha zeka Sesus Kiristu mypehakatsa my iwazeka Deus mobetesaka, mymysapyrẽtsa tsimoziknaha.

Homanos 9:33

Iwatahi Deus harere papeu humo: — O kytsa mytsatyziutahaktsa! Harahare wataty zik iky. Ata humo hi Sudeutsa inarahanaha. Kiristu hi harahare wata, asaktsa iharere bo hyỹ mykaranaha batu sisikpyby tahawahi Deus tuk mynapykyryknaha — niy. Deus harere papeu humo niy. — Asaktsa Sesus Kiristu harere bo batu hỹ maha asaktsa kytsa watsa asahi harahare bete inarahanaha. Iwatsahi Sudeutsa Sesus Kiristu harere bo batu hỹ mykaranahaze Kiristu sihumo harahare wata mozik, iharere bo batu hỹ zikaha iharere batu siakparawy iwatsahi kytsa watsa harahare bete inarahanaha Iwa Deus harere papeu humo niy, hawa Sudeutsa sizubabyitsa Deus hyrytsa moziknaha.

1 Peduru 2:6

Deus papeu humo ziwatahaka: — Kytsa wahoro mozoknikinahaze haraharetsa mysiwatawykynaha. Utakta harahare hyrity wata. Harahare tisapyrẽta. Harahare ustsa haraharezatatsa iwa babatsa tu buruhuwa nisizozokonaha. Atahi harahare hyrity wata myzipeha. Siaõ sapy waha bo myzipeha. Atahi myzubaha ibo iktsa zuba maha. Wasani mykara. Aty ihumo tispirikporẽta atahi batu isikpyby. Atahi tsakurẽta hỹ Iwa Deus papeu humo niy.