Ebereus 8:9 - Rikbaktsa

⁹ Tubabatu taparaktsa ahadiritsa bo iktsasoko. Esito ekze iksioktyhyryk. Kaharere sibo iktsasoikik. Kaharere humo batu hỹ zikaha. Iwatahi siharere bo kawabybarawa nazukniki” — Deus niy.

Ebereus 8:9 ပူးပေါင်းရင်းမြစ်များ

Marakos 8:23

Iwaze Sesus ihyrizikubyita tsyhyry humo paik niy. Ape baze myzubaha pauk bo zioktyhyryk. Iwaze hezok niy. Tasaytsik ty ihyriziktsa bo tsyktsyk niy. Tatsyhyry ty ihyriziktsa bete tsika niyze: — Hawa sa iktsa tsimykara — niy.

Atos 13:11

Tsimyhyrizikubyri ba zikozo. Iwa okoro bazinyzo — niy. Iwa Pauro Erimas pe niy. Atsoko imyrawy tsikanikita nihyrizikubyri. Haramwe bo ba zikozo. Kytsa nisiberiki iwatahi aty sa katsipa humo paik my nikara.

Atos 7:36

Kyze Moises Esito eze tuze siwatawyhytsa nikara. Hawa kytsa batu zikaha atsatu nikara. Pihik tsizubarẽna zitsikzanahaze niwatihi inymyryhywy ziknakara. Pihik tsizubarẽna “Pihik tsikyriri” inarokoha. Iwa Sudeutsa Esito ekze niwakbaiknaha. Niahatsahi jerukbara bo niukurunaha. Kuarẽta anos anaeze niapykyryknaha. Anaeze hi Moises inymyryhywy ziwatawy. Hawa kytsa batu zikaha ziwatawyky. Atahi Isareu ezektsa pe niy:

Atos 9:8

Niytahi Sauro kyik niy. Tahyriziktsa ty popo niyze batu iktsa ziky. Iwatsahi ituktsa itsipa humo Damasko bo zioktyhyryknaha.

Karatas 4:24

Iwa piwataha iwaze pahahyrinymyry. Wytykyryk petokokzahaza Deus harere petok zuba waha. Tapara Deus harere Moises bo nitsasoko atahi Deus tyryktsa bo nitsasoko. Anaharere wytyk sitsumuẽhĩtsa watatsa my. Bykyze Deus harere Sesus soho nitsasoko asahi ihumo sispirikporẽtsa Deus tyryktsa moziknaha. Usa harere wytyk ioke babatatsa watatsa my. Asiza harere wytykyryk petokokzahaza soho humo pahatsumuẽhĩ. Moises iwatahaha soho ty mykara. Anaka hara bijobonita ikny inasikze anaharere aparakbaha bo nitsaso. Aparakbaha Sudeutsa hara bijobonikiha Sinija inarokoha mykaranaha. Aparakbaha Arabija ezektsa ana hara bijoboniki ha Aka inarokoha mykaranaha. Ana hara bijobonikiha atatsa watatsa atatsa katsa sitsumuẽhĩtsa niy my. Iwatatsahi itsekokatsa batu ziksibetesanaha. Serusarẽhe soho bo mytsaty ziknakaranaha. Asahi Moises harere ibyky humo zuba hyỹ mykaranaha. Asaktsa Sesus Kiristu harere bo batu hỹ zikaha. Iwatsahi asahi Moises iwatahaha bo zuba hyỹ mykaranaha sitsumuẽhĩtsa tsekokatsa watsa maha.