Ebereus 7:21 - Rikbaktsa

²¹ Deus harere papeu humo: — Ikia kawahoro zubata eze tynapamykysokota, kahyrytsa tsyhyryze awahi tysitsumuẽhĩkĩ. Ahyriziktsokzawy batu zikpykba awahi tynapamykysokota tsimy — niy. Deus harere wasani my ba meky watu mytsaty tykara.

Ebereus 7:21 ပူးပေါင်းရင်းမြစ်များ

Homanos 11:29

Iwatahi Deus ba meky watu ziksisapywy ba paikpa mytsaty ziky. Mytsaty mynakara tasopyk ty zuba mynakara. Tapetu isopykze: — Asaktsa nisiwatawy, iwatahi mysisapywyky — my. Iwaze asaktsa nisiwatawy iwatahi mysisapywyky hỹ.

Ebereus 5:6

Usta harere Deus papeu humo ziwatahaka: — Merikisedek wata tsimozik. Merikisedek Deus ziknapamykysokota Deus wahoro zubata eze ziknakara. Aparakbaha nisibetesaka Sesus iwata katyryktsa tysitsumuẽhĩ mynakara. Mysibetesaka, tawahi mysitsumuẽhĩkĩ Deus harere papeu humo niy.

Ebereus 7:17

Deus harere isoho papeu humo botu ziwataha: — Ikia kawahoro zubata eze tynapamykysokota. Kahyrytsa tsyhyryze tynapamykysoko awahi tysitsumuẽhĩkĩ hỹ, Merikisedek wata tynakara — niy. Deus harere papeu humo ziwatahaka.

Ebereus 7:20

Deus Sesus ziwatawyze iwahoro zubata eze mynapamykysokota mozik. Atahi: — Pawatawyhik kawahoro zubata eze mynapamykysokota botu iktsaso atsatu mykara. Utakta koikny bakta tu my kaharere botu iktsaso wasani mykara — niy. Tapara Rewi tsekokatsa nisiwatawyze iwahoro zubata eze ziknapamykysonahatsa niyziknaha ana harere ty batu tyso nisiny zuba niy. Sesus bo zuba ana harere nitsasoko.

Ebereus 7:23

Rewi tsekokatsa Deus wahoro zubata eze ziknapamykysonahatsa nikaranaha. Ziknahyrikosokzakanahaze mektsatu ziknaharape sapyzekykynaha. Iwa hỹ.

Ebereus 7:28

Tapara Moises bo nitsaso. Deus kytsa nisihyrinymyrykyze taparaktsa iwahoro zubata eze ziknapamykysonahatsa nisiny. Asaktsa sipunihikbyitsa tu zimyikinaha. Bykyze zuba Deus tse babata ziwatawy. Bykyze itse babata pe: — Ikia zuba kawahoro zubata eze tynapamykysokota awahi tynapamykysokota. Kahyrytsa tsyhyryze awahi tysitsumuẽhĩkĩkta. Ikia babata zuba batu zimyi — niy. Deus harere wasani hỹ. Sesus hi mynamybetesawyky my, tawahi mynapamykysokota my taharere tyhi mynakara.