Atos 7:49 - Rikbaktsa

⁴⁹ Deus sohokotsa botu ziwataha. Bijoikpe eze tu mynapykyryk. Deus: “Bijoikpe kadyhywy waha. Wytyk kapyry pe sapy waha. Kytsa sizubarẽtsa mysipehaka. Mybarawy iknyktsa mysipehaka. Wahoro ikiahatsa tsimyzukninaha anaeze ba zikapykyk. Utakta estuba sapy bo zuba ba ziknatare.

Atos 7:49 ပူးပေါင်းရင်းမြစ်များ

Mateus 23:22

Aty bijoikpe motsasoze iwaze iharere humo ja wasani, niwazuba atakta bijoikpe eze tu kino motsasoko iwaze iharere wasani my. Bijoikpe Deus dyhywy wata zubata my — Sesus niy.

Mateus 24:2

Yhỹ niy. Aba haraharetsa bo iktsa tsimaha. Aibatohi haraharetsa ba harape bete zozo zikaha. Haraharetsa mynatõtõbaiknaha. Kytsa Deus wahoro zubata mynakarakba. Tsizubarẽna nepykbaik.

Suão 4:21

Niytahi: — Aibani hara bete Deus bo batu tyso “O Deus myzo ikia zuba tsamysapyrẽta” tsimaha. Serusarẽhe eze Deus bo batu tyso. “O Deus myzo ikia zuba tsamysapyrẽta” tsimaha — niy.

Apokaripisi 3:21

Asa kaharere bo hyỹ mynakaranahatsaktsa ispe my: ‘Panytynaha! Kabaze dyhytyny!’ my. Siwatsa utakta Deus kazo harere bo hyỹ ikykara iwatahi ‘Pany! Kabaze dyhyty! katukytsa mysipehaka’ kape niy. Abaka kazo dyhywy bete mynapykyryk kytsa mysipehaka hỹ. Iwa kasoho Raodisija ezektsa myspirikpokotsa pe tsimy” — niy.