Atos 2:30 - Rikbaktsa

³⁰ Dawi ispituze Deus sohokotsa niy. Tapara Deus Dawi pe niy: “O estuba tsekoka Deus zipehata my. O Kiristu my” niy.

Atos 2:30 ပူးပေါင်းရင်းမြစ်များ

Mateus 22:43

Sesus: — Iwa zeka amy humo sa Dawi Deus hyrikoso humo ipe: “Kapehatsa.”

Mateus 27:35

Sodadutsa iharapatawyhyta humo zihyrizikiknaha. Ipapepe eze zihyrizikiknaha. Ipyrytsa eze kino niwatihi zihyrizikiknaha zikymynahaze iharapatawyhyta zitseknahaze ziriktonaha. Sodadutsa isuk ziakse tsihikiknahatsa haraharezipyryktsa ty nisipaparakanaha. Aty ja Sesus suk piakse nikaranaha tsahi ziwatawykynaha.

Marakos 12:36

Tubabatu Dawi Deus hyrikoso humo nitsaso. Deus pehatsa pe: “Kapanuryk taba dyhyty! Bykyzehu utakta Deus asukyrytsitsa apyrytsa pukezi typykyk apokso sipybyrẽtsa” niy. Iwa Dawi Deus hyrikoso humo ziwatahaka.

Rukas 24:44

Ispe niy: — Utakta ahatuk tuze ziknapamykysoko. Hawaeze Moises botu kasoho ziwatahaka. Hawa ha ty isohokotsa botu ziwatahakanaha ty hi atsatu ty mynakara.

Atos 1:16

— O katukytsa, wabytahaktsa! Tapara nihyrikosokdata kadiri Dawi Sudas soho botu ziwataha. Deus hyrikoso humo Dawi Sudas soho ziwatahawy. Tubabatu Samo papeu humo ziwatahaka. Ana hi Dawi botu ziwataha atsatu Sudas nikara — niy.

Homanos 1:3

Deus wasania ty tatse soho. Sesus Kiristu mypehakatsa. Atahi mybarawy bo inasik Dawi tsekokatsa niyzik. Deus tse mywata niyzik.

Homanos 15:12

Deus sohokotsa Isaijas usa papeu humo ziwatahaka: — Taparakta mydiri Sese estuba tsekoka Sudeutsabyitsa pehakatsa mozik. Deus bo mysioktyhyryk, isapyrẽnikia humo piperykynaha hỹ — niy. Sese tsekoka Kiristu my.

2 Timoteo 2:8

Deus wasaniha abo nitsasoko. Sesus Kiristu soho bo mytsaty tsimykara. Sesus Kiristu nihyrikosokda. Deus hi zihyrizikpowy iwaze ispitu niyzikzo. Dawi tsekoka Sesus niy. Ata hi zihyrizikpozo. Deus wasaniha nitsasokoze ana hi iktsasoko.

Ebereus 1:1

Tapara Deus taparaktsa bo ziknapamykysoko iharere ziwabykynaha. Hawa hatsa myzotsa Sudeutsa bo ziknapamykysokonaha. Deus sohokotsa taparaktsa bo iharere ziknatsasokonaha.

Ebereus 3:7

Iwatsahi Sudeutsa siakbatsa ba siwa zikaha! Tubabatu Deus hyrikoso sisoho ziwatahaka: — Abaka kaharere tsiwabynahaktsa!

Ebereus 4:7

Bykyze iwatahi usta zuruze soho: — Abaka kaharere humo hyỹ tsimaha — niy. Deus harere Dawi ziwatahaka hi: — Abaka kaharere bo wabytaha! Kaharere tsipiwabynaha zeka ahasopyksapyhu ja — niy. Iwa Dawi tsekokatsa ziwatahaka.

Ebereus 6:17

Deus kino niwatihi tatyryktsa pe: — Utakta pahasapywyky ikiahatsa katuk ahawahi tsimynapykyryknaha — niy. Ityryktsa bo ziknapamykysoko atahi: — Kaharere wasani my. Utakta koikny baktatu kaharere atsatu mykara. Kaharere zuba — niy.

Ebereus 7:21

Deus harere papeu humo: — Ikia kawahoro zubata eze tynapamykysokota, kahyrytsa tsyhyryze awahi tysitsumuẽhĩkĩ. Ahyriziktsokzawy batu zikpykba awahi tynapamykysokota tsimy — niy. Deus harere wasani my ba meky watu mytsaty tykara.

2 Peduru 1:21

Deus sohokotsa harere humo nitsasokonaha. Deus hyrikoso nisiapewywyky. Deus hyrikoso humo zuba nitsasoikiknaha.

Apokaripisi 17:14

Asaktsa hozipyrykza tsibik wata ibo mowatsorokonaha pibeze tsihikiknaha. Atahi atakta abazubata sihumo mytasoho. Atakta hozipyrykza tsibik wata sizikwy nepyk. Hozipyrykza tsibik wata ituktsa, ziwatawynahatsa, asahi iharere bo hyỹ mykaranaha iwa situk sipehatsa bo mowatsorokonaha. Hozipyrykza tsibik tsizikwyrẽta tu ba hawa tohi zikzukninaha simyrawy zepykba iwatahi taharere sotsatuk iwaze ituk zinymyrykynahatsa tuk nasepykwy. Atahi abazubata my.

Apokaripisi 19:16

Iakpyzazawy humo inaro iwatahaha ihyry humo kino niwatihi inaro ziwatahaka. Petok inarohota. Estubaka — Kytsa pehatsa abazubata — inarokota. Usta kino — Kytsa abazubatsa pokzitsikitsa — inarokota. Iwa inaro petok.