Atos 13:12 - Rikbaktsa

¹² Sipehatsa Serisio Pauro ana bo nikozoze nipyby. Sesus harere bo hyỹ nikara iwatahi Sesus humo tispirikporẽta. Anawahi Pauro itukta Baranabe Deus harere kytsa nisihyrinymyrykynaha.

Atos 13:12 ပူးပေါင်းရင်းမြစ်များ

Mateus 27:54

Kyze sodadutsa Sesus ziharaperykynaha. Wytyk nidydykyze sipybyrẽtsa. Hawa sa nikaranaha niakozonahaze sipybyrẽtsa: — O atahi Deus tse babata — niaha.

Rukas 4:22

Sizubarẽtsa Deus wahoro eze ziwabykynahaze, Sesus humo siharereziurẽtsa. Iharere siakparawy. Ziwabykynahaze ihumo sipybyrẽtsa. Iwatsahi asa zuba nipamykysokonaha:

Rukas 7:16

Kytsa sizubarẽtsa zinynahatsa sipybyrẽtsa niapykyknaha. Iwaze Deus bo nipamykysokonaha: — O Deus ikia hi tsamysapyrẽta. Ikia zuba wasanita — nikaranaha. Asa zuba nipamykysokonaha — Deus sohotsa natakaha mybo izumu. Deus mybo izumu katsa ityryktsa tsimoziknaha — nikaranaha.

Suão 7:46

Deus wahoro perytsitsa hi: — O batu aty tohi iharere wata my. Iharere tisapyrẽna hỹ. Iwatsahi itsipa humo batu tyoktyhyryk — nikaranaha.

Atos 13:48

Asa hi: — O Deus harere tisapyrẽna. Tisapyrẽna hỹ — nikaranaha. Deus humo sispirikporẽtsa. Asahi Deus nisiwatawy ituk tahawahi mynapykyryknaha sispirikporẽtsa niyziknaha.

Atos 13:49

Nanabyitaba Sesus tuktsa Deus harere tsimypamykysokonaha. Sizubarẽtsa wasania ty Sesus soho ziwabykynaha.

Atos 13:7

Tsikzikdihi ezektsa pehatsa Serisio Pauro inarokota niy. Tispirikporẽta. Atahi Deus harere piwaby tsihikik iwaze Baranabe itukta Sauro nisiakzoko niy. Atahi: — Deus harere ty kabo tytsaso — niy. Serisio Pauro Deus harere piwaby tsihikik. Barosesus batu hỹ niy.

Atos 13:8

Tapetu mynakara: — O Serisio Pauro Deus harere humo batu waby — niy. Iwatahi Baranabe itukta Sauro iwatsa nisiakniki, sihumo takyriki niy. Serisio Pauro Sesus humo tispirikporẽta my zeka batu hawa tohi zikaha. Iwatahi Baranabe tukta Sauro ahatsa sihumo batu iakparawy.

Atos 15:35

Kyze Pauro Baranabe iwatsa Ãtiokia eze niapykyrykspyknaha. Asahi ustsa Sesus tuktsa tuk Deus harere nitsasokonaha. Kytsa nisihyrinymyrykynaha.

Atos 15:36

Kyze aibani Pauro Baranabe pe niy: — O katsaktsa Sesus tuktsa bo tsimynakozorenahaktsa! Myzubaha bo botu tsiknakurunaha sibo tsimynakozorezonahaktsa! Sesus tuktsa bo iktsa tsimaha. Iwaze wasani maha zeka ja myhyrinymyrẽtsa — niy.

Atos 18:12

Niahatsahi wastuhu Sudeutsa Pauro harere humo batu siakparawy. Iwaze itsipa humo Karijo bo zioktyhyryknaha. Karijo Akaija ezektsa pehatsa niy.

Atos 19:10

Petok niytyk tseheze Pauro nisihyrinymyryky. Iwatahi myzubaha Sesus soho ziwabykynaha. Sudeutsa, Sudeutsabyitsa kino niwatihi isoho ziwabykynaha. Asia ezektsa sizubarẽtsa isoho ziwabykynaha.

Atos 19:20

Iwaze ustsa kytsa Sesus humo sispirikporẽtsa. O wasani nikaranaha.

Atos 19:38

Kytsa Diana wahoro hyrikoso tsibik waha nizuknikinahatsa mytaokanikinaha zeka myhyrizikwanitsa bo maha. Pisapybyrikinaha zeka kytsa harerewabytsa bo maha. Bytykareze kytsa ba zikmybetsakaknaha, ana bo zuba kytsa pibetsakaknaha. Kytsa harerewabytsa inazuzukuknaha.

Atos 19:7

Dose Sesus tuktsa niaha.

Atos 28:7

Niytahi Pubiro mybo hua hua niy. Pubiro tsikzikdihi ezektsa ispehakatsa niy. Isapy tykarawa niy. Haneze izo baze tsikykpyzazakanaha isapy niy. Atahi mybo huahua niy: — Kawahoro bo paku tsimaha — niy. Katsaktsa iwahoro bo tsikpupunaha. Anaeze harakykbyihi tsikurunaha. Nimyoktyhyryk. Mydisahawy ty mybo nyny nikara.

Atos 6:10

Atahi tispirikporẽta ziknapykyryk. Deus hyrikoso humo tsiharereziurẽta. Iwaze kytsa Estewã batu siakparawy. Iwatsahi kytsa bo okyrysaro ty nyny niaha. Siharerewabymybarẽtsa bo nyny niaha. Ispe niaha: — O ikiahatsa kytsa bo Estewã soho tsiwabymybarẽnaha — nikaranaha. Ikiahatsa hi:

Atos 8:25

Kyze Peduru Suão iwatsa Serusarẽhe bo ziksizonaha. Niahatsahi hawa Sesus nikara, ana bo hi nikozonaha astsatu nipamykysohokonaha, ske buruk niukurunahaze Deus wasania ty Samarija hudikhudikwytsa bo nitsasokonaha. Kyze Serusarẽhe bo ziksizonaha.