Apokaripisi 18:19 - Rikbaktsa

¹⁹ Tahasopyk ty wytyk tazyty taharatõtõkõnaha, wytyk tazy ty tutu nikaranahaze sisukatsihikrẽtsa nisiwatawy. Nipuziukunahaze: — O sihudikhudikwy ezektsa simypokzitsiubyitsa. Tapara sinamyrẽtsa. Tsarahatsa budutsa perytsitsa sihumo sinamyrẽtsa niyziknaha, Babirõ ezektsa sinamyrẽtsa tu siokyrysaro sibo zihuakikiknaha. Abaka nihokda. Uma ora zuba hana bo ja. Tawahi nepykba — nikaranaha.

Apokaripisi 18:19 ပူးပေါင်းရင်းမြစ်များ

Apokaripisi 17:16

Iharanitsa mytsyhyrytsa watsa tsiksinynahatsa itsikarara tuk wytyk imysapybyikitatsa humo tahakyrikinaha. Inamy ty piaksebaiknaha inury bo iktsa maha isuk kino pibobobaiknaha isukbyi tatsa pereknaha itsani piboronaha motare naha ka izo bo pioktsoktsoknaha iwaze mokorobaik.

Apokaripisi 18:10

Tahapybyspykẽryktsa tu sihudikhudikwy mokorokonaha bo mokozokonaha. Nokponi tu morikto riktohokonaha ipokso iwatahi: — O Babironija ikia sihudikhudikwy abazubaha myhudikhudikwy zikwyrẽnikia iwaha tu Deus humo atsoko uma ora eze zuba botu sinini tsimykara — mykaranaha.

Apokaripisi 18:3

Babironija ezektsa kytsa abazubatsa sipehakatsa nisimyiwynaha. Batu imysapybara nisiakpybanaha. Hawa sakmyitsa kytsa sispirikpobyitsa ustsa kytsa bo tsõsĩ siukpuwy ty sibo nyny maha, iwaze sityryknymyryhybyitsa moziknaha atsatyty isapy ezektsa nisimyiwykynaha. Sipehakatsa namy tsizubarẽna ziaksenaha, amy bo iktsa niaha atsatu nizihikiknaha. Amy ty nizihikiknaha atsa tu ziaksenaha. Iwatsahi sinamyrẽtsa niyziknaha — niy.

Apokaripisi 18:8

Ana humo hi asta okoroze tu zuba sinini mykara. Tsimyitsapyrẽtatsa. Tsiaraparẽtatsa. Tisukatsihikrẽtatsa. Sinini ykarawy bo my. Atatsa izo bo myharakoroba — niy. Iwa hỹ. — Mypokzitsikitsa humo atahi Deus zubata izikwyrẽnikita tu ba hawa tohi zikaha. Atakta ihuak ty atatsa bo nyny my — niy. Iwa iaksoho bijoikpe ikny kape niy.