2 Peduru 2:14 - Rikbaktsa

¹⁴ Wytykyryk bo iktsa mahaze mysiakza tsihikiknaha. Kytsa Sesus humo tsikaeni zuba sispirikporẽtsa mysimyiwykynaha. Mysispihikbatakanaha. Taha bo zuba mynakaranaha. Okyrysaro bo zuba mytsaty mynakaranaha. Deus tihi: — Utakta pahamyitsapyriwy — niy. Ana humo kino ba zikwaknaha.

2 Peduru 2:14 ပူးပေါင်းရင်းမြစ်များ

Mateus 12:34

Ikiahatsa pyryhyktsa watsa tsimaha. Pyryhyktsa batu simysapy maha. Ikiahatsa kino niwatihi ahaharere batu imysapy tsimaha. “Katsaktsa mysapyrẽtsa tsimaha” mybarapetu tsimykaranaha. Iwa batu tyso tsimaha. Mysapyrẽtsa tu zeka hawa ha ty wasani zuba mytsaty tsimykaranaha. Hawa kytsa mysitsumuẽhĩnaha ana bo hi mytsaty tsimykaranaha. Atakta imysapybyita tu zeka amy ty batu sapy mytsaty mykara ana humo hi imysapybyitsa ty mykara. Hawa mytsaty tsimykaranaha ana hi tsimoziknaha.

Mateus 23:14

O Pariseutsa Deus harere zihyrinymyrynahatsa niwatihi aha humo kasukatsihikrẽta. Ikiahatsa ahamysapybyi tsimykaranaha iwatsahi sinini tsimaha. Ikiahatsa myzihawatahakanahatsa watsa aha humo kasukatsihikrẽta. Ikiahatsa haramukuka namy tsipiaksenaha. Kytsa okzeka Deus bo tsimypamykysobanaha sipapatu haramukuka namy tsipiaksenaha. Ana humo hi sinini tsimykaranaha.

Mateus 25:41

Iwaze utakta kytsa bo simysapybyikitsa kapawazo taba ispe my: “Nabo pãotaha!” Ikiahatsa ahahumo Deus takyriki sinini ykarawy bo pahapeha, anaeze izo eze tynakoronaha ba zikbe. Anasapy Deus botu zikymy Satanas tsyhyryze iapiktsa kino niwatihi zikymy.

Mateus 5:28

Uta hi ahape: Abaka aty mekta oke bo iktsaziu myze tapetu isopyk “Uta atatsa piakse tsihikik” atakta mytsaty mykara pimyi anahumo hi Deus okze ka atakta atatsa botu ziakse.

Marakos 13:22

Kytsa sizubarẽtsa mozumunaha. Asa tihi: “Utakta Kiristu maha” pahaspihikbatakanaha. Kytsa sizubarẽtsa siharere bo yhỹ mykaranaha. Mymyspihikbataikiknaha zuba. Mektsa tu mozumukunahaze “Katsaktsa Deus sohokotsa maha” mybarapetu mykaranaha. Siwatahawytsa mykaranaha ana humo hi kytsa mysiakmyiwykynaha. Deus watawyhytsitsa mysiakmyiwy tsihikiknaha.

Suão 5:44

Deusta atababata zuba my. Batu ustaka. Ikiahatsa Deus ahape my: “O ahamysapyrẽtsa tsimaha” anahi batu ahatsihik. Kytsa ahasoho motsasokonahaze “O ahamysapyrẽtsa.” Anahi zuba ahakparawy. Iwatsahi kaharere bo batu yhỹ tsimykaranaha kahumo batu ahaspirikpo — niy.

Homanos 16:18

Asaktsa hawa Kiristu mozihikik batu hỹ zikaha. Taha bo zuba sisopyk. Asahi: — Myharere baba. Hawa wasani ana tihi tsimykaranaha — iwa mybarapetu mykaranaha. Kytsa sispirikpobyitsa tu mysisapybyikinaha iwatsahi sihumo paikpa mytsaty mykaranaha.

1 Korĩtios 11:19

Sasabyitsa humo pykyhytu tahaktsa. Batu wasaniha. Ikiahatsa hi: — Aty tsimysapyrẽta zeka mymyhyrinymyrynaha — mytsaty ahabyitsatu tsimykaranaha. Iwa mytsaty tsimykaranaha zeka Deus okzeka batu imysapy my.

Epesios 2:3

Katsa Sudeutsa niwatihi ahawatsa zikzurukunaha. Mysapybyitsa tsikykaranaha, hawa mytsaty tsikykaranaha ana kino mysopyk. Taha bo zuba ziknakaranaha. Katsaktsa wasani tsimaha mytsaty ahabyitsa tsikykaranaha iwa mypetu mysopyk. Deus mype niy: — Ikiahatsa Sudeutsa ustsa kytsa watsa tsimaha, kaokzeka batu ahamysapy tsimaha. Sinini ykarawy bo pahapehahik — niy.

Epesios 4:14

Kyze Kiristu humo myspirikporẽtsa tsimykaranaha iwatsahi iharere humo myhyrinymyrẽtsa. Ihyrinymyrywy baba humo myhyrinymyrẽtsa. Ustsa mymyspihikbatakanaha zeka batu waby tsimaha. Ustsa mybarapetu mykaranaha zeka siharere humo hi batu hỹ tsimaha. Katsaktsa jabyitsa sopykbyitsa asahi paikpa mytsaty mynakaranaha. Katsaktsa Deus harere bo zuba hyỹ tsimykaranaha.

Korosẽses 2:18

Asahi pahasapybyi tsihikiknahaze hi: — Myharere bo yhỹ habyi zeka Deus sinini ykarawy bo pahapeha. Deus okzeka batu ahamysapy — mybarapetu mykaranaha. Siharere bo batu waby zikaha! Asa hi: — Katsa zuba myhyrinymyrẽtsa babatsa — mybarapetu mykaranaha. — Mytsotospyk eze Deus bo tsikozonaha tsimykaranaha — mybarapetu mykaranaha. Hauk byize kytsa hi: — O asaktsa simyharerewabyrẽtsa — maha niwahi mozihikiknaha. Bijoikpe iknyktsa Deus tsumuẽhĩtsitsa bo iktsazuba maha. Hawa Deus bo tsimysakibazikiknaha asahi astsatu bijoikpe iknyktsitsa bo maha. Hawa mozihikiknaha zuba ana hi mykaranaha. Kytsa watsa mytsaty mykaranaha iwatsahi siharere batu ahawabyhy.

Tsiaku 1:8

Aty Deus humo tsikaeni zuba ispirikpo niwatihi paikpa mytsaty mykara. Aba nawa mytsaty mykara. Byriri meky watu mytsaty mykara. Kytsa harere humo meky watu mytsaty mykara. Kytsa paikpa mytsaty mynakaranaha. Asa tihi: — Deus bo myzapykyky naha zeka mybo baija mybo nyny ziky — maha. Atahi Deus humo tsikaeni zuba ispirikpo iwatahi meky watu mytsaty nikara. Deus humo ispirikpobyita zeka iwatahi Deus batu ibo nyny my.

2 Peduru 2:18

Asaktsa pahamyi tsihikiknaha. Siharere batu sisopyksapy. Sityrykmyitsa. Asahi: — Katsa zuba wasani tsimaha. Iwazehi ustsa kytsa okeza bo mysiakzanaha. Taha bo zuba tsimynakaranaha. Deus okzeka katsa zuba wasani tsimaha — mybarapetu mykaranaha. Abaka asaktsa Sesus humo mospirikpokonaha asahi mymyi tsihikiknaha.

2 Peduru 2:3

Sihyrinymyrynikitsa amybara botu motsasokonaha. Tahapehawy ty zuba pahahyrinymyrykynaha. Ahaokyrysaro mozihikiknaha iwatsahi wasanihabara ty pahahyrinymyrynaha. Mysispihikbataikiknaha Deus sibo iktsa mykara. Tubabatu sisoho: — Kaokzeka batu simysapy — niy. Deus ba zikuru iwatahi nasisuparaka. Bykyze sinini ykarawy bo mysipehahik.

2 Peduru 3:16

Tsiharerehokdarẽta. Imyspirikpowy kino niwatihi tsihokdaharẽna. Iwatsahi kytsa sizubarẽtsa iharere myzimyikiknaha. Kytsa asahi Sesus humo sispirikporẽtsa tsikaeni zuba iharere myzimyikiknaha. Iwatsahi mohyrikosokdanahaze Deus sinini ykarawy bo mysipehahik.

1 Suão 2:16

Kytsa asahi Deus harere bo batu hỹ mykaranaha tsizubarẽna mozihikiknaha. Tahanamy bo zuba mytsaty mykaranaha. Amy bo iktsa maha zeka ana kino mozihikiknaha. Asa hi: — O katsa zuba mynamy tsizubarẽna. Iwatsahi myhyrizikwanitsa tsimoziknaha — mykaranaha. Kytsa sibo iktsa maha mozihikiknaha. Ikiahatsa siwatsa ahasopyk zeka Deus humo batu ahaspirikpo.

Sudas 1:11

Asaktsa sinini mykaranaha. Simysapybyitsa tu mykaranaha ana humo hi sinini mykaranaha. Niwahi Deus mozihikik. Asaktsa Kaĩ watsa sizokdirẽtsa mozurukunaha ana humo hi sinini mykaranaha. Asaktsa Barão watsa. Atahi okyrysaro zuba iakparawy iwatsahi imysapyrẽnikia siakparawy ana humo pimyikinaha Barão watsa. Asaktsa Korã watsa Deus harere bo batu ma zikaha Korã watsa maha. Iwatahi Deus sisoho humo: — Asaktsa batu simysapy mykaranaha — mykara.

Apokaripisi 12:9

Tubabatu hotsoikarazata pyryhyk niy. Hyrikoso sapybara perytsa nisipehaka Satanas inarokota. Mybarawy ezektsa mysispihikbataikik. Iwaze bijoikpe ikny nisipapykik iapiktsa ituk. Mybarawy bo nasipaparahiknaha.