2 Korĩtios 8:5 - Rikbaktsa

⁵ Katsaktsa mypetu mysopyk: — O asaktsa tsikaeni zuba nyny mykaranaha — mytsaty ahabyitsa tsikykaranaha. Tsizubarẽna nyny nikaranaha. Taparaka tawaha ty Deus bo nyny niaha iharere bo zuba hyỹ nizihikiknaha, iwaze myharere bo kino niwatihi hyỹ nikaranaha.

2 Korĩtios 8:5 ပူးပေါင်းရင်းမြစ်များ

Homanos 12:1

Iwatsahi katukytsa Deus tawahi mytuk mynapykyryk mymysapywyikik iwaze — ikia zuba mypehakatsa — ipe tsimahaktsa! Amy ty sa mozihikik ikiahatsa tihi: — Katsaktsa anatyhi tsimykaranaha, aharere bo zuba hyỹ tsimyzihikiknaha hỹ — tsimaha. Iwa tsimyzurukunaha zeka ahakurẽtsa tsimoziknaha. Iwaze wasani tsimykaranaha.

Homanos 6:13

Ikiahatsa Deus tyryktsa. Deus zuba ahapehakatsa. Iwatsahi ahasopyksapybyitsa tsimykaranahaze niwazuba pyktaha! Tapara imysapybara ty tsikykaranaha iwaze hi sinini tsikykaranaha. Abaka mekywa tu tsimyzurukunaha, Deus tuk ahawahi tsinapykyryknaha. Iwatsahi Satanas harere bo batu hỹ tsimaha. Mekywa tu tsimaha iwaze tu tyzisapywykynahaktsa! Ikiahatsa tihi: — O Deus myzo ikia zuba tynamypehakakta. Ikia zuba tymytsumuẽhĩkta iwaze azikwy humo wasani tsimyzurukunaha — tsimaha. Iwa Deus pe tsimahaktsa!

1 Korĩtios 1:1

Uta Pauro. Papeu ikiahatsa bo piwatahaka. Mytuky Sostenes tuk ahabo piwatahaka. Tubabatu iakzohota Deus zikpeha kape niy: — Ikia aparakbaha bo tsimy. Wasaniha ty kytsa sizubarẽtsa bo tsimytsaso — niy. Hyỹ iky.

2 Korĩtios 4:5

Katsaktsa mypetu ba zikaha: — O myharere bo hyỹ tsimahaktsa! — iwa ba zikaha. Katsa hi: — O Sesus Kiristu harere bo zuba hyỹ tsimahaktsa kytsa! Ipe: “Ikiahi aba zubata” tsimahaktsa! Iwa pykyhytutaha iharere humo zuba hyỹ tsimykaranaha — tsimaha. Katsa ja. Kiristu mymysapywyikik iwatsahi ihumo tsipahatsumuẽhĩnaha. Ipokzi ahatsyhyryze tarabajaziu tsimykaranaha. Iwa hỹ.

2 Korĩtios 8:1

O katukytsa Masedonia ezektsa asaktsa izumubanahaze Deus harere piwabynaha Deus nisisapywyky iwatsahi simykubyihurẽtsa niyziknaha, ana soho hi tsinymryrynahaktsa.