2 Korĩtios 7:13 - Rikbaktsa

¹³ Iwatsahi katsa mykurẽtsa hỹ. Abaka myhyrinymyrẽtsa. Ikiahatsa myhumo tsimypokzitsirẽtsa ana hi tsinymyrykynaha. Titu mybo zumuze atahi: — O Korĩtio ezektsa zikpokzitsikinaha — niy. Wasaniha humo mykurẽtsa.

2 Korĩtios 7:13 ပူးပေါင်းရင်းမြစ်များ

Homanos 12:15

Kytsa sakurẽtsa tuk zeka ikiahatsa kino ahakurẽtsa tsimoziknaha! Siakubyitsa tuk mykaranaha zeka ikiahatsa kino batu ahaku.

Homanos 15:32

Ana humo kino tsimykaranaha zeka kakurẽta mozik. Iwaze Deus mozihikik zeka ahabo mynakozore. Kakurẽta hỹ. Ikiahatsa tsipikykwykynaha niwatihi ana humo hi kahyrinymyrẽta.

1 Korĩtios 12:26

Mynurywatu mymyitsapyri zeka batu myku tsimaha. Mynury humo myitsapyri byizeka mykurẽtsa. Katsa Kiristu nury watsa tsimaha. Mytukytsa usta Sesus tuktsa simyitsapyri zeka katsa sihumo batu myku. Mytukytsa sakurẽtsa katsa niwatihi situk mykurẽtsa.

1 Korĩtios 16:13

Kapehawy bo hyỹ tahaktsa. Iwaze ahapunihiktsaktsa! Sesus humo ahaspirikporẽtsa Deus harere bo zuba pykyhytu hyỹ tsimykaranaha.

1 Korĩtios 16:18

Asahi pikykusukniwykynaha. Botu sihumo ahakurẽtsa abaka pikykusukniwykynaha. Kaokzeka wasanitsa maha, ahaokze kino niwatihi simysapyrẽtsa. Myziksizonahaze siharere bo ma tsimaha. Iwa hỹ tsimaha.

2 Korĩtios 2:13

Iwa zeka paikpa mytsaty ikykara. Titu katsy wata batu tyhobyk Toroade eze. Iwaze Toroade ekze ikparak. Masedonia bo ikukuru anaeze Titu paikpa ikziberiki.

2 Korĩtios 2:3

Iwatahi batu ahabo zikumu papeu humo iwatahaka, kawataha papeu humo ky zahabetsakak: — Ahamysapybyitsa tu tsikykaranaha tsimoewynahaktsa! — iky. Ahabo pomoze katy sukatsihikbyri zeka ba zikumu. Tsikykuwykynahaktsa kytsa! Kakurẽta zeka ikiahatsa kino niwatihi ahakurẽtsa tsimoziknaha hỹ.

2 Korĩtios 7:14

Tubabatu Titu ahabo asiba niparakze uta ipe iky: — O Korĩtio ezektsa simysapyrẽtsa ahumo wasani maha papokzitsikinaha hỹ — iky. Kaharere wasani my. Ihumo tsimypokzitsikinaha ahasoho pe batu mybarapetu ikykara. Iwa ha ty wasani tsikykaranaha.

2 Korĩtios 7:15

Titu hi: — O Korĩtio ezektsa kaharere bo hyỹ nikaranaha. Ziktsumuẽhĩkĩnaha kahumo simyharerewabyrẽtsa — niy. Iwatahi ahahumo tsimypokzitsiarẽta.

2 Korĩtios 7:6

Deus siakubyitsa mysiakuwyky mozihikik iwa mybo niy. Titu zumuze Deus ihumo mymykuwyky.

Piripẽses 2:28

Iwatahi aidy ahabo myzipeha tsihikik. Ibo iktsa tsimahaze ahakurẽtsa. Ahahumo hi uta niwatihi abaka batu kasukatsihik.

2 Timoteo 1:16

Onesiporo zuba ziktsumuẽhĩkĩ. Kabo inakozore sakyrikrẽnikitsa hurukwy eze kabo nikozore. Kahumo batu isikpyby. Atahi zikykuwyky. Ihumo kakurẽta ikykara. Iwaze Deus pe iky: — O kazo Onesiporo itukytsa humo kino niwatihi tysipokzitsikikta tsimy — iky.

Piremo 1:20

Iwaze katsaktsa Sesus humo myspirikporẽtsa ikia Onesimu humo tsimypokzitsiukrẽta! Katsy my. Awahoro bo pomoze: — O pakutynykta — iwa tsimyzeka kakurẽta mozik.

Piremo 1:7

O kaharereziuwy ahumo kamypokzitsiarẽta. Ikia Deus hyrytsa humo tsamypokzitsiukrẽta ana iwabyze kakurẽta. Iwatahi ikia humo kapunihikrẽta mozik. Ikia kytsa ba ziksimyiwy ustsa Sesus tuktsa nisiakusukni.

1 Peduru 3:8

Kyze sizubarẽtsa bo kapehawy motsasoko. Astsa botu mytsaty tsimykaranaha! Tyharape pokzitsinahaktsa! Ustsa tahatsumuẽhĩnaha. Asa zuba batu tyso — uta zuba wasani — kasopyk iwa batu tyso. Tyharape pokzitsikinahaktsa!