2 Korĩtios 11:4 - Rikbaktsa

⁴ Aty ahabo mozumuze iharere ezytyk motsasoze ikiahatsa hi: — O ahawaha batu mynyhy — tsimaha. Tapara Sesus babata soho ahabo tsiktsasotsasokonaha. Asaktsa batu. Sesus babata soho ahabo batu tysoho. Tapara Deus hyrikoso soho ahabo tsiktsasotsasokonaha. Asaktsa batu, Deus hyrikoso babata ahabo batu tysoho. Tapara Deus wasania ty zuba ahabo tsiktsasotsasokonaha. Asaktsa siharere bo zuba yhỹ tsimykaranaha, siharere humo ahakurẽtsa. Hawa ha ty mektsatu motsasonaha. Deus wasania ty batu tyso. Asa hi ahabo mybarapetu mykaranaha.

2 Korĩtios 11:4 ပူးပေါင်းရင်းမြစ်များ

Marakos 7:9

Deus harere bo batu yhỹ. Katsa mysapyrẽtsa mytsaty ahabyitsa tsimykaranaha, ahasopyk zuba tsimyzihikiknaha. Batu ahape tu tsipimyikiknaha.

Atos 4:12

Atahi myzubaha humo mymysapywyky. Atahi zuba Deus bo mymyoktyhyryk. Ustsaktsa batu zikaha. Sesus zuba Deus bo myzubaha mymyoktyhyryk iwaze simysapyrẽtsa moziknaha. Ihumo sizubarẽtsa mysizororowy iwatsahi simysapyrẽtsa moziknaha — niy.

Homanos 8:15

Deus hyrikoso inamykse. Ihyrikoso humo Deus myzo mozik, katsa ihyrytsa tsimoziknaha. Ana humo hi batu mypyby, batu ba, katsaktsa Deus pe mysopyk: — O kazo ikia myzo babata — tsimykaranaha. Deus hyrikoso mytuk zeka iwa tsimytsasokonaha hỹ.

1 Korĩtios 3:11

Sesus Kiristu mybarawy bo botu izumu Deus hi: — Katse humo zuba ahaspirikpohuktsa! — niy. Wahoro mozokninahaze tawata zisapybaik iwazeka wahoro ba ziknatsehepetok. Anawahi Deus tse mybarawy bo zipeha iwaze katsa batu sinini ykarawy bo tsimaha. Ata humo zuba Deus bo mymyoktyhyryk.

2 Korĩtios 11:1

Kyze motsasokoro ityrykmyita wata. Kaharere pykyhytu tsiwabyziunahaktsa! Kahumo ahakubyrisoroku ja.

2 Korĩtios 2:12

Toroade bo ikzumuze Deus wasania ty Sesus Kiristu soho Toroade ezektsa bo iktsasoko. Hawa maku ziskezozekba buruhuwa babatu zipoba anawaha mypehatsa Kiristu zikpeha, Deus wasania ty Toroade ezektsa bo motsaso. Anaeze Deus harere piwaby tsihikiknaha iwaze Deus wasania ty kytsa bo iktsaso.

Karatas 3:2

Ahabo motsaso zeka my: “Hawa sa Deus hyrikoso ahatuk mynapykyryk. Ikiahatsa Moises harere ibyky bo yhỹ tsikykaranahatsa ja Deus hyrikoso ahatuk napykyryk my. Ikiahatsa tihi: ‘Batu ba.’ Katsaktsa Sesus Kiristu harere bo hyỹ tsikykaranahaze iharere humo myspirikporẽtsa, ana humo hi Deus hyrikoso mytuk mynapykyryk” — tsimaha.

1 Timoteo 1:3

Ikia Epeso eze tsimytare. Nezeba Masedonia bo niukuruze ape: — Ikia Epeso eze tsimytare tsihikik iky. Abaka atsatu mykara Epeso tsimytare iwatahi asaktsa nisihyrinymyrykynahatsa asahi mybarapetu nikaranaha tysipehahik. Amy baratyty mysihyrinymyrykynaha. Deus harere batu mysihyrinymyrykynaha tahaharere ty zuba kytsa bo mysihyrinymyrykynaha. Iwatahi ikia tysipehahik ispe tsimy: “O meky watu tsimysihyrinymyrykynaha. Niwazuba pyktaha! Ahahyrinymyry byiziky tsimy.

1 Timoteo 2:5

Iwatahi Deus babata ikaha tahi zuba. Kytsa simysapybyritsa humo takyriki. Iwaze Sesus Kiristu mytsapuhyripyrywyta mybarawy bo inasikze maku niyzik. Nihyrikosokda kytsa zibezenaha. Nihyrikosokdaze kytsa simysapybyitsa nikaranaha iwatsatu nisiokzo. Atahi mysapyzeky nihyrikosokda ata zuba myhumo.