1 Timoteo 3:8 - Rikbaktsa

⁸ Abaka Sesus tuktsa tsumuẽhĩtsitsa soho piwatahaka. Asahi sitsumuẽhĩtsitsa namyspirikpokotsa watsa mozurukunaha. Kytsa sisoho: — O asaktsa simysapyrẽtsa — maha. Sitsumuẽhĩtsitsa harere wasani mykaranaha. Ba zik mospihikbatanaha. Kytsa opuwy tsõsĩ ba ziku. Ustsa kytsa namy ba zikzihiknaha. Okyrysaro ba zikzihitsa naha.

1 Timoteo 3:8 ပူးပေါင်းရင်းမြစ်များ

Homanos 3:13

Siharere batu imysapy. Siharerewabymybarẽtsa. Pibyituhukunaha tu mybarapetu mynakaranaha mysispihikbataikiknaha zuba.

Piripẽses 1:1

Uta Pauro Timoteo niwatihi ahatsa katsaktsa Sesus Kiristu tsumuẽhĩtsa tsimaha. Timoteo katuk my. Uta Sesus Kiristu tsumuẽhĩtsa ahabo piwatahaka. Ikiahatsa Sesus tuktsa Piripos ezektsa ahabo piwatahaka. Sesus tuktsa sispirikpokotsa sitsumuẽhĩtsitsa kino niwatihi sizubarẽtsa bo piwatahaka.

1 Timoteo 3:12

Sitsumuẽhĩtsitsa tasukza zeka wasani maha. Estuba zuba tatsa piakse, iokeza petokuruk zeka batu imysapy my. Maku petok okeza zeka ba ziwatawynaha. Sitsumuẽhĩtsitsa hyrytsa siharere bo yhỹ mykaranaha. Iwahoro ezektsa sisopyk wasani mykara.

1 Timoteo 3:2

Iwaze atakta bazimyi. Wasani mozuruku. Iwa zeka atakta estuba zubatatsa piakse. Batu paikpa mytsaty ziky. Ustsa harere piwabyziu. Kytsa iwahoro bo pomonahaze: — O kawahoro bo pakutyny. Awanu tyhãity — my. Mypehakatsa Deus harere ty kytsa mysihyrinymyryziuku.

1 Timoteo 3:3

Kytsa opuwy tsõsĩ ba ziku. Kytsa ba ziksike. Ba ziktasakpare. Atahi kytsa humo tsimypokzitsiukrẽta. Ustsa kytsa okyrysaro ba ziakse.

1 Timoteo 5:23

O Timoteo pihik baba ty zuba ba tsõ tsimy. Ahakuki tsapyri myzibyituhukutu iwatahi duabohotsa tsik tsipiku. Myhakoki hwi waha duabohotsa tsik ty tsõ tsimyze iwaze ahakuki jokboha mozik.

Titu 1:7

Myspirikponahatsa Sesus tuktsa tuk Deus tsyhyryze tarabaja mynakara. Deus hyriziktsokzawy humo. Wasani mykarata iwaze kytsa ihumo batu siharerewabymybara. Atahi batu tyso: — Uta zuba kahyrinymyrẽta ba ziky — nikara. Sesus tuktsa myspirikpokotsa batu sisakpare. Atahi tsõsĩ kasasa ba ziku. Ba zikokyknaha. Okyrysaro tsihitsa ba zikyziknaha. Ba mybarapetu ziky. Iwa mozuruku.

Titu 2:3

Tsimytsasoko wytykyryk sistsaikbaza pe kino niwatihi tsimy. Ispe tsimy: — Ikiahaka kino Deus harere bo hyỹ taha. Kytsa sizubarẽtsa soho ahaharerewabymybara byihuja. Tsõsĩ ty ka tsõ tsõ byitaha. Ikiahaka wasani haty zuba tynasihyrinymyrykynaha — tsimy.

Tsiaku 3:10

Mysakeze tuk petok harere tsimypamykysokonaha. Deus tsimysapyrẽta tsimaha. Kytsa soho batu simysapy tsimaha niwatihi. Niwazubaktsa! O katukytsa ahaharere humo batu wasani zikaha. Petok myharere zikahabyitsa. Tisapyrẽna zuba tsimypamykysokonaha.

1 Peduru 5:2

Deus zahawatawy ihyrytsa myspirikpokotsa tsimoziknaha ana humo hi zahawatawyhik. Iwatsahi hawa hozipyrykzatsa perytsitsa mynasipokzikinahatsitsa iwatsa ikiahatsa Deus hyrytsa tynasipokzitsikinahaktsa kytsa! Mykyzoziurẽtsa iwatsahi tatsumuẽhĩnaha hỹ. Ahahyriziktsokzawy humo ahakurẽtsaktsa anahi Deus mozihikik. Batu ahape tu zikaha: — Tyzeka ja kytsa okyrysaro ty kabo nyny maha — my. Iwa zeka batu mytsaty tsimaha. Ahape tu ahasopyk: — Hawaze kytsa tahatsumuẽhĩnaha — tsimaha. Iwa ahape tu ahasopyk.