1 Korĩtios 16:3 - Rikbaktsa

³ Mynakozoreze kytsa Serusarẽhe bo ahatsyhyryze mysipeha. Asahi mysiwatawynaha sibo papeu ty nyny my, ahawatawyhytsa soho piwataha. Kyze ahaokyrysaro kapapeu kino niwatihi pipeha Sudeja taparaktsa bo asahi Serusarẽhe eze tu maha.

1 Korĩtios 16:3 ပူးပေါင်းရင်းမြစ်များ

1 Korĩtios 11:34

Aty irapa zeka awahoro eze tu tsikadisaha iwaze hi Deus wahoro bo my. Iwaze Deus humo mynauzuzukbanahaze ba ziktsaso: — O hawa tsimykaranaha humo ka wasanibyitsa tsimykaranaha — my. Iwa ba ziktsaso. Kyze botu kabo tsiwatahakanaha anatyhi ahabo pomoze kapehawy ahape my. Iwa my.

1 Korĩtios 16:4

Wasani my zeka uta kino niwatihi situk Serusarẽhe bo mokuru.

2 Korĩtios 3:1

Asaktsa pahamyikinaha katsaktsa mahani siwatsabyitsa. Asahi: — Hana bo sa papeu, haneze sa iwatahaha ikiahatsa wasani ahasopyk — maha. Katsaktsa mysapyrẽtsa ana humo hi ahahyrinymyrẽtsa. Papeu mysoho batu tsimyzihikiknaha. Ikiahatsa ustsa kytsa bo ty moso tsipiwatahakanaha batu tsimyzihikik.

2 Korĩtios 8:4

Asahi: — O mynamy ty myokyrysaro ty iwa ahabo nyny tsimykaranaha. Sudeja ezektsa Sesus harere bo hyỹ mykaranaha asa bo hi nyny tsimykaranaha. Myokyrysaro ty mytsyhyryze wabehyryk tsimaha — nikaranaha. Iwa tsizubarẽna nitsasokonaha.

2 Korĩtios 8:6

Ana ty kino katsaktsa Titu pe: — O Korĩtio bo tynakozorekta — tsikaha. Titu zahatsumuẽhĩ. Ahape niy: — Ahaokyrysaro ty sinamybyitsa bo nyny tahaktsa! Iwa tsipisapywykynaha — niy. — Iwaze Korĩtio ezektsa bo tsimy. Tysiakuwykyktsa — iky. Hyỹ niy.