1 Korĩtios 11:27 - Rikbaktsa

²⁷ Aty atsikara waha ty hauk my zeka batu wasani my atahi pimyiki. Sesus hyrikosokdawy soho humo myzisapybyiki. Atahi duabohotsa tsik piku zeka batu wasani ziky atahi pimyiki. Sesus hyrikosokdawy humo Deus batu ziokzo.

1 Korĩtios 11:27 ပူးပေါင်းရင်းမြစ်များ

Mateus 22:11

Kyze abazubata zihitsa inatsukze sakzohotsa bo iktsa niy. Iwa kytsa abazubata zihitsa sisuk humo nisisukba iwa sisopyk. Estuba maku batu, tasuk tyzuba korobyk niy, zihitsa suk humo batu hỹ niy. Iwaze zihitsa maku pe, atakta tasuk tyzuba korobyk.

Suão 6:51

Utakta hi bijoikpe iknykta my. Mybarawy ezektsa bo iknasik. Myzubaha mekywatsatu ziyziknaha iky. Kytsa kahumo sispirikporẽtsa mohyrikosokdanahaze Deus tuk tahawahi mynapykyryknaha. Atsikara ty sibo nyny my ana hi katsani. Katsani ty mybarawy ezektsa bo nyny my. Iwatsahi mynahyrizikponaha asahi Deus tuk tahawahi mynapykyryknaha.

1 Korĩtios 10:21

Duabohotsa tsik tsipikunahaze hawa Sesus mysapyzeky nihyrikosokda naha bo mytsaty tsimykaranaha. Katsa ihumo Deus tyryktsa tsimoziknaha ana humo hi mytsaty tsimykaranaha. Iwatsahi usa tsik ba zikunaha anahi deusbyita hyrikosotsa bo nyny niaha, ana ty hi Satanas bo nyny mykaranaha. Iwatsahi ba petok kuha ba zikunaha. Atsikara tsipioknahaze: — Sesus mysapyzeky nihyrikosokda — naha bo mytsaty tsimykaranaha iwatsahi ana disahawy deusbyita hyrikosotsa nyny niaha ba zibiaknaha. Petok tsahatsa disahawyty ba zikaha, usaka disahawy Satanas disahawy iwatsahi anaty ka ba zik kahadisahanaha.

1 Korĩtios 11:29

Sesus Kiristu mysapyzeky iharapatawyhyta humo nihyrikosokda ana humo hi tsikspiriktsokdanaha zeka batu hauk tsimaha. Batu tsõ tsimaha. Pykyhytutaha! Tsipihauknaha zeka ahaspirikpobyitsa zeka Deus okzeka batu ahamysapy. Iwatahi pahasininiwy.

Ebereus 10:29

Abaka kytsa siwatsa maha, asahi Deus tse humo batu siharereziu. Deus botu ispe: — Ahamysapyrẽtsa tsimoziknaha. Katse ahasapyzeky nihyrikosokda ahamysapybyitsa tsikykaranaha Sesus humo zahaokzohik iwatsahi ahamysapyrẽtsa tsimoziknaha — niy. Asaktsa katse harere bo batu hỹ niaha. Asahi: — O Deus atse nihyrikosokda katsaktsa ihumo batu mospirikpo, iharere bo batu hỹ tsimaha — mykaranaha. Iwa niahaze Deus hyrikoso soho pisapybyikinaha. Ihyrikoso sihumo tsimypokzitsiukrẽta my, asaktsa ihumo pisapybyikinaha. Iwatsahi sinini mykaranaha. Kytsa Moises harere bo batu hỹ nikaranaha sinini nikaranaha. Asa hi Deus hyrikoso zisapybyrikinaha sinini mykaranaha hỹ.