Lukas 24:47 - Riang

⁴⁷ Pehz ngaz bawnz lao plaez lawng traz caanz reung dengz kawi boh traz plawiz lawt reung dengz kawi kaai mus Ohz, tae leh kaanz weng Yerusalem taw phraeoz ihz klawhz kheuz an naeh tuhz prih keu tehz.

Lukas 24:47 ပူးပေါင်းရင်းမြစ်များ

Lukas 13:34

Euz, weng Yerusalem, weng Yerusalem, mih piamz ihz taangz phraz keui, leh kawnz reu aangz wiurz ihz phuhz reu oiz Phraz. Ohz sunz aez kuanz mih kai kai teur cuhz baaiz, naeh ceun yaerz tum kuanz daehz tuhz keutz piangz, keuiz daz mih samz nam aez Ohz cih ceun diz.

Teu Maan Caoh 10:43

Ihz taangz phraz keui lao mok lawng Hnhz daz, ‘Ihz an yum Hnhz keui kawp taanz khoz mus Hnhz, bawnz lawt thaz reung dengz kawi.’”

Teu Maan Caoh 11:18

Meuz keuh ngarz mony reu ma an diz ne keuh nam nae naehz leui, lupz phrawz Phraz Pen Caoh daz, “Phraz Pen Caoh aez ihz an nam anz kheuz Yio keui nahz traz caanz reung dengz kawi rae aez phawmz teun mehz.”

Teu Maan Caoh 13:46

Keuiz daz Paul boh Barnabas rawz yaak yaak daz, “Aaiz bawnz krai pehz nahz aacz ihz mony reu ma Phraz Pen Caoh, kawp pehz thiangz thengz rae plaez daz daehz nam theukz phawmz cen cen rae aaiz ngaz praasz pehz lan cu ihz an nam anz kheuz Yio boh.”

Teu Maan Caoh 2:38

Petros mial daz keuh nahz, “Aez pehz lawt reung dengz kawi ne caanz reung dengz kawi rae leh teuk sruz kaai mus Tahz Yesuhz Khris klawhz ihz raez. Beuk cih ceun diz pehz te bawnz suz Khuanz Seu Ngamz.

Teu Maan Caoh 20:21

Ohz paamz seu tih kaai kheuz Yio boh ihz an nam anz kheuz Yio keui nahz keuh bawnz caanz reung dengz kawi seuk weur cu Phraz Pen Caoh boh yum Tahz Yesuhz Khris.

Teu Maan Caoh 26:18

Aez mih lawk ngaai keuh rae aez keuh plaak plaai an bimz truz thaz an thaangz boh an moh tuhz a na Satan keui aez truz cu Phraz Pen Caoh. Kawp keuh yum Ohz rae Phraz Pen Caoh plawiz lawt reung dengz kawi keuh, saanyz rap keuh penz ihz Daehz.’

Teu Maan Caoh 26:20

Seun teungz ohz rawz aez ihz weng Damaskas, waaiz an diz rawz aez ihz weng Yerusalem rae ihz prih Yio tang prih boh kaai ihz an nam anz kheuz Yio. Ohz rawz aez keuh caanz reung dengz kawi daehz rae truz cu Phraz Pen Caoh, aez keuh moh ceun daehz a wa caanz.

Teu Maan Caoh 28:28

Paul siupz daz thaengz, “Pehz lo mas reung dengz khyawt Phraz Pen Caoh ne aez ihz an nam anz kheuz Yio keui nahz rae keuh kaw teuk ngarz.”

Teu Maan Caoh 3:19

Kawp ceun diz pehz caanz reung dengz kawi, seuk weur cu Hnhz. Beuk cih ceun diz Phraz Penz Caoh watz thengz reung dengz kawi pehz,

Teu Maan Caoh 4:12

Naeh taw Tahz Yesuhz pan, naeh tahz khyawt. Neuz lak mus Hnhz, tuhz prih keu tehz ne, nam maang thaengz mus khyawt leui.”

Teu Maan Caoh 5:31

Phraz Pen Caoh leh phrawz Hnhz mok plaakz takz kaaiz Daehz rae aez Hnhz naeh Tahz Peur Aacz boh Tahz Khyawt, aez kheuz Israel keui caanz, aez bawnz lawt reung dengz kawi.