Yuḥanna 9:7 - Ṯarifiṯ 2020

⁷ Inna-as Ƹisa: "Ruḥ aḏ tessirḏeḏ ḏi ṣṣarij n Silwam." (Awaȓ-a Silwam ixes aḏ yini ) Iruḥ isireḏ, irewweḥ itwaȓa.

Yuḥanna 9:7 ပူးပေါင်းရင်းမြစ်များ

Matta 11:5

iḍarɣaȓen twaȓan, izeḥḥafen gguren, yinni iy ḏi iǧa jḏam genfan, iḏehcuren tesȓan, yinni immuṯen tnekkaren-d, ȓmusakin twabeccaren.

Luqa 13:4

Niɣ ṯmenṭac nni iy xef d tewḍa ṣṣumƹeṯ ḏi ḥay-Silwam ṯenɣi-ṯen, ma tɣir-awem belli ggin dunub ktar zi marra iwḏan izeddɣen ḏi ṯendint ṯekmaȓ n Lquds?

Luqa 2:32

Netta ḏ ijjen n nnur iy ṯesmeḍhareḏ i ȓegnus, netta ḏ ijjen n lƹaḍama n ccaƹb nnec n Ayṯ-Israʼil."

Yuḥanna 10:36

Ma ṯeqqarem i wenni ixḍar Baba issekk-iṯ-iḏ ɣar ddunect cek ṯenniḏ lbuhtan x Arebbi minzi nniɣ nec ḏ Mmis n Arebbi?

Yuḥanna 11:37

Nnan ȓebƹaḍ zzaysen qa ḏ wanita iy isgenfan ṯiṭṭawin n uḍarɣaȓ, ma war izemmar ataf igga can ȓḥajeṯ bac war itmetti ca Liƹazar?

Yuḥanna 9:11

Inna-asen: "Bnaḏem nni umi qqaren Ƹisa iysi-d abeǧaƹ isers-ayi-ṯ x ṯiṭṭawin inu. Inna-ayi ruḥ ɣar Silwam aḏ tessirḏeḏ. Ruḥeɣ ssirḏeɣ, rewwḥeɣ twaȓiɣ."

Yuḥanna 9:39

Inna Ƹisa: "Usiɣ-d ɣar ddunect-a aḏ ḥasbeɣ ḥima yinni iǧan ḏ iḍarɣaȓen aḏ twaȓan, yinni itwaȓan aḏ ḍerɣȓen."

Ȓexḏayem 26:18

bac aḏasen ṯrezmeḏ ṯiṭṭawin nsen, aṯen ṯesbeƹƹḏeḏ zi ṯaǧest ɣar nnur, aṯen ṯesbeƹƹḏeḏ zi ssulṭa n Cciṭan ɣar Arebbi. Ammu aḏasen twaɣfarent ȓmuƹṣiyaṯ nsen aɣarsen yiȓi umcan ak ṣṣaliḥin iƹni s lʼiman iy ḏayi iy ggin.

Ayṯ-Ruma 8:3

Cuf, Arebbi igga min war ṯzemmar aḏ tegg ccariƹa n Musa, mayemmi? Ƹlaḥsab ḍḍuƹef n ddat nneɣ iy ḏas ikksen jjheḏ i ccariƹa. Arebbi, wami iy d issekk Mmis imeṯṯel-iṯ-iḏ am ddat n bnaḏem iƹṣan, issekk-iṯ-id ḏ lfidya x ȓmuƹṣiyeṯ nneɣ. Ammu iḥaseb iƹaqeb ȓmuƹṣiyeṯ ig iǧan ḏi ddat n bnaḏem

Ayṯ-Galaṭya 4:4

Walakin wami d ṯuweḍ ȓweqṯ ig izemmem Arebbi, ikkar netta issekk-d Mmis itwaxȓeq-d zeg yijjen n ṯemɣarṯ, itwaxȓeq-d ṯḥekkem xas Ccariƹa n Musa.