Yuḥanna 8:2 - Ṯarifiṯ 2020

² Ak ṣbaḥ zic iḏweȓ-d ƹaweḏ ɣar ṯemziḏa ṯameqqrant n Ayṯ-Israʼil. Usin-d ɣares ȓɣaci marra, iqqim iseȓmaḏ-iṯen.

Yuḥanna 8:2 ပူးပေါင်းရင်းမြစ်များ

Matta 26:55

Ȓexddenni inna-asen Ƹisa i yiwḏan nni: "Ma tɣir-awem qa nec ḏ lmujrim wami d ṯeysim ȓesyuf ḏ idebbuzen ḥima aḏayi ṯeṭṭfem niɣ? Tuɣa tɣimiɣ mkuȓ nhar ḏi ṯemzida ṯameqqrant, seȓmaḏeɣ ḏinni war ḏayi ṯeṭṭifem ca.

Luqa 21:37

Kuȓ nhar Ƹisa itraḥ iseȓmaḏ ḏi ṯemziḏa ṯameqqrant. S ǧiȓeṯ itraḥ isnusa ḏeg Uḏrar n Zzitun.

Luqa 21:38

Marra iwḏan traḥen ɣares zic ɣar ṯemziḏa ṯameqqrant ḥima aḏ ṣennṭen i wawaȓ nnes.

Luqa 4:20

Ibelleƹ lkitab nni yarra-as-ṯ i uxeddam iqqim. Marra yinni iǧan ḏi ṯemziḏa qqimen txezzaren ḏayes.

Luqa 5:3

Inya Ƹisa ḏeg yicten zi ṯɣarruba nni ṯenni iy iǧan n Simƹan, iṭaleb zzayes aḏ yuyur cwayt x ȓbarr u netta iqqim ḏayes ibḏa iseȓmaḏ ȓɣaci zi ṯɣarrabut nni.

Yuḥanna 4:34

Inna-asen Ƹisa: "Ȓmakla inu aḏ xeḏmeɣ min ixes wenni ḏayi d issekken aḏ kemmȓeɣ ȓxeḏmeṯ nnes.

Yuḥanna 8:20

Inna awaȓ-a ḏi ṯemziḏa ṯameqqrant nsen mani jemmƹen ṣṣaḏaqa, iseȓmaḏ ḏinni. War ṯ iṭṭif uȓa ḏ ijjen minzi ȓweqṯ nnes ƹaḏ war d tuwiḍ.

Yuḥanna 8:3

Menbaƹd imseȓmaḏen n ccariƹa uȓa ḏ ifarrisiyen uwin-as-d ijjen n ṯemɣarṯ ufin-t ṯxeddeƹ aryaz nnes, sbedden-teṯ zzaṯsen.

Ȓexḏayem 5:21

Ḏ manayenni iy ggin, uḏfen ɣar ȓefjar ɣar ṯemziḏa ṯameqqrant bḏan seȓmaḏen. Menbaƹd iruḥ arrayes n ȓfuqaha ḏ marra yinni kis iǧan smunen-d Jmaƹeṯ n lḥukkam n Ayṯ-Israʼil iƹni marra imeqqranen nsen, ssenni ssekken iƹessasen n ṯemziḏa aḏ d awin arrusul zi ȓeḥbes.