5 Ayṯmas s yixef nsen war uminen ca zi Ƹisa.
Ƹaḏ issawaȓ Ƹisa ak ȓɣaci wami ɣares d tusa yemmas ḏ ayṯmas, bedden barra i ṯeddarṯ rezzun akiḏes ssiwȓen.
Wami sȓin ȓeḥbab nnes x manaya, usin-d ḥima aṯ awin akiḏsen nnan qa iruḥ-as ȓaƹqeȓ.
Walakin wami gaƹƹḏen ayṯmas ɣar ȓƹiḏ, menbaƹd igaƹƹeḏ uȓa ḏ netta. Igga axmi innuffar, war d ismeḍhar ca ixef nnes.
Nnan-as ayṯmas zeg yemmas: "Uyur ssanita, ruḥ ɣar ṯmurṯ n Yahuḏiya ḥima uȓa ḏ imeḥḍaren nnec aḏ ẓren man ȓexḏayem iy ṯxeddmeḏ.
War iǧi ḥadd ixeddem can ṯmesȓayṯ s ṯnufra meȓa irezzu aṯ ssnen. Meȓa teggeḏ ṯimesȓayin-a, smeḍhar-d ixef nnec i ddunect."
