Yuḥanna 7:14 - Ṯarifiṯ 2020

¹⁴ Wami iƹḏu uzyen zi ȓƹiḏ, igaƹƹeḏ Ƹisa ɣar ṯemziḏa ṯameqqrant n Ayṯ-Israʼil iseȓmaḏ ḏinni.

Yuḥanna 7:14 ပူးပေါင်းရင်းမြစ်များ

Matta 21:12

Yuḏef Ƹisa ɣar ṯemziḏa ṯameqqrant yuzzeȓ x marra x yinni issaɣen ḏ yinni iznuzan. Iqȓeb-asen missaṯ n yinni itṣarrafen tmenyaṯ ḏ ȓekrasa n yinni iznuzan iḏbiren.

Matta 26:55

Ȓexddenni inna-asen Ƹisa i yiwḏan nni: "Ma tɣir-awem qa nec ḏ lmujrim wami d ṯeysim ȓesyuf ḏ idebbuzen ḥima aḏayi ṯeṭṭfem niɣ? Tuɣa tɣimiɣ mkuȓ nhar ḏi ṯemzida ṯameqqrant, seȓmaḏeɣ ḏinni war ḏayi ṯeṭṭifem ca.

Luqa 19:47

Tuɣa iseȓmaḏ mkuȓ nhar ḏi ṯemziḏa ṯameqqrant. Arruyas n ȓfuqaha ḏ imseȓmaḏen n ccariƹa ḏ imeqqranen n ccaƹb rezzun aṯ nɣen.

Yuḥanna 18:20

Inna-as Ƹisa: "Tbeccareɣ zzaṯ i yiwḏan, seȓmaḏeɣ-ṯen ȓebda ḏi ṯemziḏawin uȓa ḏi ṯemziḏa ṯameqqrant mani tmunen israʼiliyen marra. War ssiwiȓeɣ walu s ṯnufra.

Yuḥanna 5:14

Menbaƹd i manayenni Ƹisa yufa wenni igenfan aqaṯ ḏi ṯemziḏa ṯameqqrant n Ayṯ-Israʼil inna-as: "Aqac ṯgenfiḏ, war tegg bu ȓmuƹṣiyaṯ ƹaweḏ ḥima war ḏac itewqiƹ ktar zi min tuɣa ḏayec."

Yuḥanna 7:2

Iqarreb-d ijjen n ȓƹiḏ n Ayṯ-Israʼil umi qqaren <Ṯinwaȓin.>

Yuḥanna 7:28

Ikkar Ƹisa itxaṭab s jjheḏ ḏi ṯemziḏa ṯameqqrant n Ayṯ-Israʼil iseȓmaḏ-iṯen iqqar-asen: "Ma ḏ ṣṣaḥ ṯessnem-ayi manis nec, niɣ min ƹniɣ? War d usiɣ ca s yixef inu lla. Wenni ḏayi d issekken ɣares lḥaqiqa! Kenniw war ṯ ṯessinem ca.

Yuḥanna 7:37

Ḏi nhar aneggaru ameqqran zi ȓƹiḏ nni, ikkar ibedd Ƹisa itxaṭab s jjheḏ inna: "Meȓa iffuḏ ḥadd, itxeṣṣa netta aḏ d yas ɣari aḏ isew.

Yuḥanna 8:2

Ak ṣbaḥ zic iḏweȓ-d ƹaweḏ ɣar ṯemziḏa ṯameqqrant n Ayṯ-Israʼil. Usin-d ɣares ȓɣaci marra, iqqim iseȓmaḏ-iṯen.

Yuḥanna 8:20

Inna awaȓ-a ḏi ṯemziḏa ṯameqqrant nsen mani jemmƹen ṣṣaḏaqa, iseȓmaḏ ḏinni. War ṯ iṭṭif uȓa ḏ ijjen minzi ȓweqṯ nnes ƹaḏ war d tuwiḍ.