Yuḥanna 7:10 - Ṯarifiṯ 2020

¹⁰ Walakin wami gaƹƹḏen ayṯmas ɣar ȓƹiḏ, menbaƹd igaƹƹeḏ uȓa ḏ netta. Igga axmi innuffar, war d ismeḍhar ca ixef nnes.

Yuḥanna 7:10 ပူးပေါင်းရင်းမြစ်များ

Matta 10:16

Nec aqa ssekkiɣ-kenniw amecnaw iḥuȓiyen jar wuccanen. Iȓim ṯfaqem amecnaw ifiɣeran, iȓim ḏ nniyyeṯ amecnaw iḏbiren.

Matta 12:46

Ƹaḏ issawaȓ Ƹisa ak ȓɣaci wami ɣares d tusa yemmas ḏ ayṯmas, bedden barra i ṯeddarṯ rezzun akiḏes ssiwȓen.

Matta 3:15

Indeq-d Ƹisa inna-as: "Ɣir qbeȓ ȓexxu, ḏ manaya ig iǧan nican ḥima aḏ ikemmeȓ marra min ixes Siḏi Arebbi." Uca iqbeȓ Yaḥya.

Marqus 3:21

Wami sȓin ȓeḥbab nnes x manaya, usin-d ḥima aṯ awin akiḏsen nnan qa iruḥ-as ȓaƹqeȓ.

Yuḥanna 11:54

X manaya war iqqim ca Ƹisa itraḥ itas-d jar israʼiliyen. Iruḥ ɣar can ṯmurṯ ṯuḏes ȓexȓa, ɣar yij ubilaj qqaren-as Afrayim iqqim ḏinni ak imeḥḍaren nnes.

Yuḥanna 7:3

Nnan-as ayṯmas zeg yemmas: "Uyur ssanita, ruḥ ɣar ṯmurṯ n Yahuḏiya ḥima uȓa ḏ imeḥḍaren nnec aḏ ẓren man ȓexḏayem iy ṯxeddmeḏ.

Yuḥanna 7:5

Ayṯmas s yixef nsen war uminen ca zi Ƹisa.

Yuḥanna 7:9

Wami ḏasen inna awaȓ-a iqqim ḏi ṯmurṯ n Ljalil.

Ayṯ-Galaṭya 4:4

Walakin wami d ṯuweḍ ȓweqṯ ig izemmem Arebbi, ikkar netta issekk-d Mmis itwaxȓeq-d zeg yijjen n ṯemɣarṯ, itwaxȓeq-d ṯḥekkem xas Ccariƹa n Musa.