Yuḥanna 6:2 - Ṯarifiṯ 2020

² Ḏfaren-ṯ aṭṭas n yiwḏan wami ẓrin lmuƹjizaṯ nni wami isgenfa imehȓac.

Yuḥanna 6:2 ပူးပေါင်းရင်းမြစ်များ

Matta 12:15

Issen Ƹisa manayenni yuyur ssenni. Ḏfaren-ṯ aberru n yiwḏan, isgenfa marra imehȓac nsen.

Matta 13:2

Munen-d xas aṭṭas n ȓɣaci. S zḥameṯ nni iruḥ inya ḏeg yijjen n ṯɣarrabut iqqim ḏayes. Iwḏan qqimen marra x cceṭṭ n ȓebḥar.

Matta 14:14

Wami d iḍra Ƹisa zi ṯɣarrabut yufa qaƹ anect nni n yiwḏan, qqsen-as isgenfa imehȓac nsen.

Matta 8:1

Wami d ihwa Ƹisa zeg uḏrar nni ḏfaren-ṯ aṭṭas n ȓɣaci.

Marqus 1:45

Walakin netta min igga? Iruḥ ibḏa issawaȓ aṭṭas, isufeɣ ȓexbar aȓ wami iḏweȓ Ƹisa war izemmar aḏ yaḏef ɣar ca n ubilaj bȓa ma aḏ isnuffar ixef nnes. Tuɣa labud itɣima ḏeg imucan ixwan, walakin waxxa amenni iwḏan tasen-d ɣares ḏinni zi marra imucan.

Marqus 6:33

Ẓrin-ṯen aṭṭas n yiwḏan wami gguren. Ƹeqȓen-ṯen ffɣen ḏeɣya zi marra ibilajen nni tazzȓen marra ḏinni x iḍaren, izwaren-asen ɣar umcan nni.

Yuḥanna 11:47

Munen arruyas n ȓfuqaha ḏ ifarrisiyen ak Jmaƹṯ n lḥukkam n Ayṯ-Israʼil nnan: "Min ɣa negg? Qa aryaz-a itegg aṭṭas n lmuƹjizaṯ.

Yuḥanna 12:18

S manaya ȓqan-ṯ-iḏ ȓɣaci nneɣni minzi ȓɣaci-ya sȓin belli tuɣa igga lmuƹjiza nni.

Yuḥanna 12:37

Ƹisa waxxa igga aṭṭas n lmuƹjizaṯ zzaṯsen, war zzayes uminen ca.

Yuḥanna 2:11

Ṯanita ḏ lmuƹjiza ṯamezwarut ig igga Ƹisa. Iggi-t ḏeg ubilaj n Qana ḏi ṯmurṯ n Ljalil. Ismeḍhar-d lƹaḍama nnes, umnen zzayes imeḥḍaren nnes.

Yuḥanna 2:23

Wami iǧa ḏi ṯendint n Lquds ḏi Ȓƹiḏ Ameqqran n Ayṯ-Israʼil, aṭṭas n yiwḏan iy zzayes yumnen zeg yisem nnes wami ẓrin lmuƹjizaṯ ig itegg.

Yuḥanna 20:30

Igga Ƹisa aṭṭas n lmuƹjizaṯ nneɣni zzaṯ i imeḥḍaren nnes, niṯenti war urint ca ḏi Lkitab-a.

Yuḥanna 3:2

Yusa-d ɣar Ƹisa s ǧiȓeṯ inna-as: "A Lmuƹallim, neccin nessen belli cek ḏ amseȓmaḏ iy d yusin zi Arebbi. War izemmar uȓa ḏ ijjen aḏ igg can lmuƹjizaṯ zi min teggeḏ cek illa meȓa kiḏes Arebbi."

Yuḥanna 6:14

Wami ẓrin lmuƹjiza nni iy igga, iwḏan nnan qa ḏ wanita ḏ nnabi ḏ ṣṣaḥ tuɣa d ɣa yasen aḏ yiȓi ḏi ddunect-a.

Yuḥanna 6:22

Ṯiwecca nnes, ȓɣaci nni iqqimen ajemmaḍ i ȓebḥar feqḏen belli tuɣa ḏinni ijjen n ṯɣarrabut waha war t ufin ca. Niṯni ssnen Ƹisa war yuȓi ca ḏi ṯɣarrabut nni, imeḥḍaren nnes uyuren waḥeḏsen.

Yuḥanna 6:26

Indeq-d Ƹisa inna-asen: "Aqa tesȓam ȓḥaqq: Kenniw ṯrezzum xafi war iǧi bu wami ṯeẓrim lmuƹjizaṯ, kenniw ṯrezzum xafi wami ṯeccim ṯejjiwnem aɣrum.

Yuḥanna 6:30

Nnan-as: "Man lƹalama ṯameqqrant iy ɣa ṯeggeḏ at nẓer ḥima azzayek namen? Min ɣa ṯeggeḏ?