Yuḥanna 4:6 - Ṯarifiṯ 2020

⁶ Ḏinni anu n Yaƹqub. Wami Ƹisa yuḥeȓ s ubriḏ ag uzyen n nhar, iqqim ɣar wanu nni n Yaƹqub.

Yuḥanna 4:6 ပူးပေါင်းရင်းမြစ်များ

Matta 27:45

Ɣar ṯenƹac n uziȓ ṯehwa-d ṯaǧest x ṯmurṯ amen-ṯekmaȓ aȓ wami ƹȓayen ḏ ṯȓaṯa uƹecci.

Matta 4:2

Wami iẓumm Ƹisa arbeƹin yum jar ǧiyaȓi ḏ wussan yusa-as-d jjuƹ.

Matta 8:24

Bȓa ȓexbar, ṯekkar-d ijjen n lƹaṣifa ṯejheḏ aṭṭas ḏi ȓebḥar ṯebḏa ṯɣarrabut tƹemmar s waman. Ƹisa netta tuɣaṯ iṭṭeṣ.

Luqa 2:7

Ṯurew mmis amenzu ṯseḥnunneḍ-iṯ ṯeggi-ṯ ḏi ȓmeḏweḏ minzi war ufin bu umcan ḏi ṯeddarṯ n imsafaren.

Luqa 9:58

Inna-as Ƹisa: "Uccanen ɣarsen ifran nsen, ijḍaḍ ɣarsen ȓaƹwac nsen, walakin Mmis n bnaḏem war ɣares uȓa ḏ mani ɣa isummeṯ azeǧif nnes."

Yuḥanna 11:9

Inna-asen Ƹisa: "Ḏinni ṯenƹac n swayaƹ n ṯfawṯ ḏi nhar. Wenni igguren ḏi nhar war itneqriḍ ca minzi itwaȓa ṯfawṯ n ddunect-a.

Yuḥanna 4:12

Jeddiṯneɣ Yaƹqub yuca-aneɣ anu-ya, iswa zzayes netta s yixef nnes ḏ ṯarwa nnes ḏ ȓebhayem nnes. Ma ṯḥessbeḏ ixef nnec ktar zzayes?"

Yuḥanna 4:5

Ikka x yijjen n ṯendint zi Samarya qqaren-as Suxar, zzaṯ i umarjeƹ nni ig yuca Yaƹqub i mmis Yusef.

Yuḥanna 4:7

Ṯusa-d icten n ṯemɣarṯ zi Samarya aḏ tayem aman. Imeḥḍaren n Ƹisa niṯni tuɣa ruḥen ɣar ṯendint aḏ sɣen min ɣa ccen. Inna-as Ƹisa i ṯemɣarṯ nni: "Uc-ayi aḏ sweɣ."

2 Ayṯ-Kurinṯ 8:9

Aqa ṯessnem arḍa n Siḏiṯneɣ Ƹisa Lmasiḥ. Tuɣa netta ɣares kuȓci, walakin ƹlaḥsab neccin ismeḥ ḏi kuȓci manayenni bac aɣarneɣ yiȓi kuȓci s manayenni iy ḏi ismeḥ.

Iƹibraniyen 2:17

X manaya tuɣa wa labud Arebbi aḏ yarr Ƹisa am ayṯmas ḏi marra bac aḏ yiȓi ḏ ȓefqi ameqqran ḏayes arraḥmeṯ ḏayes ttiqeṯ ixeddem i Arebbi. U ƹaweḏ ȓefqi-ya aḏ iqeddem lfidya ḥima aḏ twaɣfarent ȓmuƹṣiyaṯ n yiwḏan.

Iƹibraniyen 4:15

Cuf, war ɣarneɣ bu ijjen n ȓefqi ameqqran netta war izemmar ca aḏ iḥess zi ḍḍuƹef nneɣ. Wah, ɣarneɣ ijjen ȓefqi kkint xas marra ȓemḥayen; netta am neccin walakin war iggi bu ȓmuƹṣiyeṯ.