Yuḥanna 3:7 - Ṯarifiṯ 2020

⁷ Meȓa nniɣ-ac itxeṣṣa-kenniw aḏ d txeȓqem ḏ jḏiḏ, war tƹejjib ca.

Yuḥanna 3:7 ပူးပေါင်းရင်းမြစ်များ

Yuḥanna 3:12

Meȓa ssiwȓeɣ ɣarwem x ṯmesȓayin n ṯmurṯ kenniw war timnem ca, mammec ɣa ṯamnem meȓa ssiwȓeɣ-awem x ṯmesȓayin n ujenna?

Yuḥanna 3:3

Indeq-d Ƹisa inna-as: "Aqa tesȓiḏ ȓḥaqq: War izemmar uȓa ḏ ijjen aḏ iẓer ȓmulk n Arebbi illa meȓa ixȓeq-d ḏ jḏiḏ."

Yuḥanna 3:6

Min itwaxeȓqen zi ddat, nettaṯ ḏ ddat. Min itwaxeȓqen zi Arruḥ n Arebbi, netta ḏ arruḥ.

Yuḥanna 3:8

Arriḥ itṣuḍ mani ixes netta. Aḏ tesȓiḏ i ṣṣut nnes, walakin war ṯessineḏ ca manis d ikka uȓa ḏ mani ɣa iraḥ. Ammu iy ggin marra yinni itwaxeȓqen s Arruḥ n Arebbi."

Yuḥanna 5:28

War tƹejjibem ca x manaya, qa aḏ d tas ȓweqṯ ḏayes ɣa sȓen ṣṣut nnes marra yinni iǧan ḏeg imeḍȓan niṯni aḏ d kkaren. Yinni iggin ṯimesȓayin ṯiṣebḥanin aḏ raḥen ɣar ṯuḏarṯ. Yinni iggin ṯimesȓayin ṯiƹeffanin aḏ d kkaren aḏ raḥen ɣar lƹiqab.

Ayṯ-Kulus 1:12

bac aḏ tcekkarem Babaṯneɣ wenni iy ḏawem yucin ȓḥaqq aḏ tcarcem ḏi lwareṯ n ṣṣaliḥin ḏi nnur.

Iƹibraniyen 12:14

Ggeṯ lmejhud bac aḏ tƹicem ḏi ȓehna ak marra iwḏan u bac aḏ tiȓim ṯeṣfam. Bȓa a niȓi neṣfa war ḏinni ḥadd iy ɣa iẓren Mawlana.

1 Buṭrus 1:22

Ȓexxu ṯessiṣfam ixef nwem wami ṯṭaƹem i lḥaqiqa bac aḏ tiȓi ḏaywem ijjen n ȓemḥibbeṯ jar wawmaṯen bȓa nnifaq. S manaya itxeṣṣa-kenniw aḏ texsem ayawya aṭṭas s wuȓawen nwem.

Lwaḥi 21:27

War ḏinni taḏef uȓa ḏ ijjen n ṯmesȓayṯ ṯwessex niɣ ḏ ikrucaren niɣ ḏ yinni iqqaren ixerriqen. Aḏ aḏfen ḏinni ɣir yinni ɣar ǧan isemawen nsen zemmmen ḏi Lkitab n Ṯuḏarṯ n Yizmar.