Yuḥanna 3:6 - Ṯarifiṯ 2020

⁶ Min itwaxeȓqen zi ddat, nettaṯ ḏ ddat. Min itwaxeȓqen zi Arruḥ n Arebbi, netta ḏ arruḥ.

Yuḥanna 3:6 ပူးပေါင်းရင်းမြစ်များ

Yuḥanna 1:13

Yina war d xȓiqen ca ƹlaḥsab ddurriṯ uȓa ƹlaḥsab min texs ddat uȓa ƹlaḥsab ȓxaḍar n uryaz; Lla, ḏ Arebbi iy ṯen d ijjin.

Yuḥanna 3:7

Meȓa nniɣ-ac itxeṣṣa-kenniw aḏ d txeȓqem ḏ jḏiḏ, war tƹejjib ca.

Ayṯ-Ruma 7:18

Nec ṭṭabiƹa ṯaƹeffant inu ssneɣ war ḏayes ṯezḏiɣ uȓa ḏ ijjen n ṯmesȓayṯ ḏ ṯaṣebḥant. Liʼanna rezzuɣ aḏ ggeɣ ṯimesȓayin ṯiṣebḥanin, walakin war zemmareɣ aṯent ggeɣ.

Ayṯ-Ruma 7:25

Tcekkareɣ Arebbi ƹlaḥsab Siḏiṯneɣ Ƹisa Lmasiḥ! S manaya ḏi ȓaƹqeȓ inu nec ḏ ismeɣ n ccariƹa n Arebbi, nec ḏi ddat inu ḏ ismeɣ n ṭṭabiƹa n ȓmuƹṣiyeṯ.

Ayṯ-Ruma 7:5

Liʼanna qbeȓ wami tuɣa ntegg array i ṭṭabiƹa ṯaƹeffant nneɣ, arnint ḏayneɣ ccehawaṯ ḏ ṯiƹeffanin ƹlaḥsab min ḏaneɣ ṯenna ccariƹa, xeddment ccehawaṯ nni ḏi ddat nneɣ uca ntarew ȓexḏayem itawin ɣar ȓmewṯ.

Ayṯ-Ruma 8:13

Liʼanna kenniw meȓa teggem array i ṭṭabiƹa ṯaƹeffant nwem, aḏ temmṯem. Meȓa ṯneqqem ȓefƹayer n ddat nwem s Arruḥ n Arebbi, aḏ teddarem.

1 Ayṯ-Kurinṯ 6:17

Walakin wenni imunen ak Siḏiṯneɣ aḏ iḏweȓ ḏ ijjen n arruḥ akiḏes.

2 Ayṯ-Kurinṯ 5:17

S manaya, wenni iǧan ḏi Lmasiḥ aqa itwaxȓeq-d ḏ jḏiḏ; min iǧan ḏ aqḏim iƹḏu yusa-d min iǧan ḏ jḏiḏ.

Ayṯ-Galaṭya 5:24

U yinni iǧan n Ƹisa Lmasiḥ ṣafi ṣellben ṭṭabiƹa nni ṯaƹeffant nsen ak ccehweṯ ḏ ȓxaḍar n ṭṭabiƹa-ya.

Ayṯ-Ufasus 2:3

Neccin marra tuɣa netƹic am niṯni ḏeg yijjen n ȓweqṯ wami tuɣa netseƹƹaf ccehawaṯ n array aƹeffan n nnefs nneɣ nḏeffar min irezzu ḏ min itfekkar. Tuɣaneɣ am marra iwḏan iƹni neccin zeg yinni iy ɣa iƹaqeb Siḏi Arebbi.

Ayṯ-Kulus 2:11

Dayes ḏi netta ƹaweḏ iy ḏi ṯṭehharem walakin maci ḏ ijjen n ṭṭahareṯ iy ggin s ifassen n bnaḏem; Lla, ṯṭehharem ṭṭabiƹa nwem ṯaƹeffant qaƹ s yijjen n ṭṭahareṯ iggi-t Lmasiḥ.

1 Yuḥanna 3:9

Wenni d ixeȓqen zi Arebbi war iqqim ca isxeddam ȓmuƹṣiyaṯ ȓaḥeqqac ṯaqquct n Arebbi ṯzeddeɣ ḏayes. War izemmar ca aḏ iqqim ḏi ȓmuƹṣiyaṯ ȓaḥeqqac ixȓeq-d zi Arebbi.