Yuḥanna 3:5 - Ṯarifiṯ 2020

⁵ Inna-as Ƹisa: "Aqa tesȓiḏ ȓḥaqq: Meȓa can yijjen war d ixȓiq ca s waman ḏ Arruḥ n Arebbi, war izemmar aḏ yaḏef ḏi ȓmulk n Arebbi.

Yuḥanna 3:5 ပူးပေါင်းရင်းမြစ်များ

Matta 18:3

Inna-asen: "Aqa tesȓam ȓḥaqq: Labud i kenniw aḏ tḏewȓem aḏ tiȓim amecnaw iḥenjiren imezyanen. Meȓa lla, ataf ƹemmarṣ aḏ taḏfem ḏi ȓmulk ujenna.

Matta 19:24

Qqareɣ-awem ƹaweḏ: Aqa isheȓ aḏ iƹḏu ijjen n uȓɣem zi ṯiṭṭ n ṯseynefṯ qbeȓ ma aḏ yaḏef ijjen n ttajar ḏi ȓmulk n Arebbi."

Matta 21:31

Uw iggin min ixes babaṯsen zi ṯnayen-a?" Nnan-as: "Amezwaru." Inna-asen Ƹisa: "Aqa tesȓam ȓḥaqq: Iƹeccaren ḏ ṯemɣarin iffɣen abriḏ aḏawem izwaren ɣar ȓmulk n Arebbi.

Matta 28:19

Iwa ruḥeṯ ɣar yiwḏan n marra ȓegnus, arrem-ṯen ḏ imeḥḍaren inu. Ṭehharem-ṯen s waman s yisem n Baba ḏ Mmis ḏ Arruḥ iqeddsen.

Matta 3:11

Nec tṭehhareɣ-kenniw s waman bac aḏ tubem, walakin wenni iy d ɣa yasen menbaƹd i nec, netta ijheḏ xafi. War sḏihiǧeɣ ca aḏas ysiɣ uȓa ḏ ṯisiȓa nnes. Netta akenniw iṭehhar s Arruḥ iqeddsen ḏ yiȓesawen n ṯmessi.

Matta 5:20

Aqa qqareɣ-awem: Meȓa war ṯṭiƹim ca i min iqqar Arebbi ktar zi min teggen imseȓmaḏen n ccariƹa ḏ ȓḥizeb n ifarrisiyen, ataf ƹemmarṣ aḏ taḏfem ȓmulk ujenna.

Marqus 10:14

Iẓra Ƹisa manaya, war ḏas iƹjib bu ȓḥaȓ inna-asen: "Jjem iḥenjiren imezyanen aɣari d asen. War ḏasen tƹarraḍem ca ȓaḥeqqac ȓmulk n Arebbi itiȓi ɣar yinni iy iǧan am yina.

Marqus 16:16

Wenni yumnen aḏ itwaṭehhar s waman ataf aḏ injem. Wenni war yuminen ca ataf aḏ itwaḥkem.

Marqus 9:47

Meȓa ṯiṭṭ nnec tsebbab-ac ḏi can ȓefḍiḥeṯ, qȓeƹ-it zaƹma. Ḥsen i cek aḏ taḏfeḏ jjenneṯ s yijjen n ṯiṭṭ zi meȓa qqiment ɣarek ṯnayen n ṯiṭṭawin aḏ tmenḍareḏ ḏi jahennama.

Luqa 13:24

"Ggeṯ mamc ɣa ṯaḏfem zi ṯewwarṯ iḥṣaren. Aḏawem iniɣ: Aṭṭas n yiwḏan ataf aḏ rzun aḏ aḏfen walakin war zemmaren.

Luqa 13:3

Qqareɣ-awem lla. Meȓa war ṯtubem ca, ataf marra iḏwem aḏ temmṯem amecnaw niṯni.

Luqa 13:5

Qqareɣ-awem lla. Meȓa war ṯtubem ca, ataf marra iḏwem aḏ temmṯem amecnaw niṯni."

Yuḥanna 1:13

Yina war d xȓiqen ca ƹlaḥsab ddurriṯ uȓa ƹlaḥsab min texs ddat uȓa ƹlaḥsab ȓxaḍar n uryaz; Lla, ḏ Arebbi iy ṯen d ijjin.

Yuḥanna 3:3

Indeq-d Ƹisa inna-as: "Aqa tesȓiḏ ȓḥaqq: War izemmar uȓa ḏ ijjen aḏ iẓer ȓmulk n Arebbi illa meȓa ixȓeq-d ḏ jḏiḏ."

Yuḥanna 3:4

Inna-as Nikudim: "Mammec ɣa igg bnaḏem aḏ d ixȓeq ḏ jḏiḏ meȓa iwsar? Ma izemmar aḏ yaḏef ƹaweḏ ḏeg uƹeddis n yemmas aḏ d ixȓeq ḏ jḏiḏ?"

Ȓexḏayem 2:38

Inna-asen Buṭrus: "Tubeṯ, twaṭehhareṯ s waman kuȓ ijjen zzaywem ƹlaḥsab isem n Ƹisa Lmasiḥ ḥima aḏ twaɣfarent ȓmuƹṣiyaṯ nwem, ataf aḏawem immuc Arruḥ iqeddsen ḏ lhadiya.

Ȓexḏayem 3:19

S manaya tubeṯ, ḏewȓeṯ ɣar Arebbi ḥima aḏ twakksent ȓmuƹṣiyaṯ nwem. Ḥima aḏ d tas ṯsaƹƹat n lfaraj zi Siḏi Arebbi, aḏ d issekk Lmasiḥ iy tuɣa ḏawem itwaxḍaren zi qbeȓ iƹni Ƹisa.

Ayṯ-Ruma 14:17

Liʼanna ȓmulk n Arebbi netta war iǧi ca s macca niɣ ḏ ṯisessi; netta s umṣȓaḥ ak Arebbi ḏ ȓehna ḏ ȓefraḥeṯ s Arruḥ iqeddsen.

Ayṯ-Ruma 8:2

Liʼanna ḏi Ƹisa Lmasiḥ, ṭṭabiƹa n Arruḥ ig iticcen ṯuḏarṯ ṯfekk-icek-d zi ṭṭabiƹa n ȓmuƹṣiyeṯ ḏ ȓmewṯ.

1 Ayṯ-Kurinṯ 15:50

Fa qqareɣ-awem ay ayṯma, qa aysum ḏ iḏammen war zemmaren aḏ warṯen ḏi ȓmulk ujenna. Min ifennan war iwarreṯ ca min war ifennin.

1 Ayṯ-Kurinṯ 2:12

War ḏaneɣ d yuci ca arruḥ n ddunect-a, yuca-aneɣ-d Arruḥ iy d yusin zi Arebbi ḥima a nefhem ṯimesȓayin nni iy ḏaneɣ d yuca Arebbi baṭeȓ.

1 Ayṯ-Kurinṯ 6:11

Ammu iy tuɣa teggen ȓebƹaḍ zzaywem, walakin ȓexxu twasirḏem, twassiṣfam, twasemṣȓaḥem ak Arebbi s yisem n Siḏiṯneɣ Ƹisa Lmasiḥ u s Arruḥ n Arebbi nneɣ.

Ayṯ-Galaṭya 6:15

Liʼanna bnaḏem meȓa igga ṭṭahareṯ niɣ war t iggi ca, manaya war ineffeƹ ca; Lla, ineffeƹ meȓa bnaḏem ixȓeq-d qaƹ ḏ jḏiḏ.

1 Buṭrus 1:2

Arebbi Babaṯneɣ ixḍar-ikenniw ƹlaḥsab mammec tuɣa issen netta zi qbeȓ, issiṣfa-kenniw s yijjen n ȓxeḏmeṯ n Arruḥ iqeddsen ḥima aḏ tṭaƹem i Ƹisa Lmasiḥ aḏ twaruccem s iḏammen nnes iy yuzzȓen. Aḏaywem imarni arḍa ḏ ȓehna s waṭṭas.

1 Buṭrus 3:21

Aman-a niṯni ḏ ijjen n lmiṯal x ṭṭahareṯ nneɣ n waman iy kenniw isenjamen ȓexxu. Maci aḏ itwakkes ȓewsex zi ddat nneɣ; Lla, ṭṭahareṯ-a nettaṯ ḏ ijjen n uȓaɣi nwem i Arebbi bac aḏawem d yuc ijjen n ḍḍamir mertaḥ. Manaya x ssabab n Ƹisa Lmasiḥ wami d ikkar zi ȓmewṯ.

1 Yuḥanna 2:29

Xmi ɣa ṯessnem belli netta nican ig iǧa, ataf aḏaywem ṯiȓi ttiqeṯ belli bnaḏem ig isxeddamen min iǧan nican netta ixȓeq-d zzayes.

1 Yuḥanna 5:1

Marra wenni ɣa yamnen Ƹisa netta ḏ Lmasiḥ ataf ixȓeq-d zi Arebbi. U marra wenni itexsen Babaṯneɣ ataf netta ƹaweḏ itexs ṯarwa nnes iy zzayes d ixeȓqen.