Yuḥanna 3:3 - Ṯarifiṯ 2020

³ Indeq-d Ƹisa inna-as: "Aqa tesȓiḏ ȓḥaqq: War izemmar uȓa ḏ ijjen aḏ iẓer ȓmulk n Arebbi illa meȓa ixȓeq-d ḏ jḏiḏ."

Yuḥanna 3:3 ပူးပေါင်းရင်းမြစ်များ

Matta 16:17

Ȓexddenni inna-as Ƹisa: "Ssaƹḏ nnec a Simƹan a mmis n Yuna! War iǧi bu ḏ ca n bnaḏem iy ḏac d ismeḍharen manaya menɣir Baba iǧan ḏeg ujenna.

Matta 19:24

Qqareɣ-awem ƹaweḏ: Aqa isheȓ aḏ iƹḏu ijjen n uȓɣem zi ṯiṭṭ n ṯseynefṯ qbeȓ ma aḏ yaḏef ijjen n ttajar ḏi ȓmulk n Arebbi."

Matta 21:31

Uw iggin min ixes babaṯsen zi ṯnayen-a?" Nnan-as: "Amezwaru." Inna-asen Ƹisa: "Aqa tesȓam ȓḥaqq: Iƹeccaren ḏ ṯemɣarin iffɣen abriḏ aḏawem izwaren ɣar ȓmulk n Arebbi.

Matta 5:18

Aqa tesȓam ȓḥaqq: War itekkes ijjen n ȓḥarf niɣ ḏ ijjen n ṯneqqiṭ zi ccariƹa aȓ ɣa itwakkes ujenna ḏ ṯmurṯ aȓ ɣa itwakemmeȓ kuȓci.

Marqus 10:14

Iẓra Ƹisa manaya, war ḏas iƹjib bu ȓḥaȓ inna-asen: "Jjem iḥenjiren imezyanen aɣari d asen. War ḏasen tƹarraḍem ca ȓaḥeqqac ȓmulk n Arebbi itiȓi ɣar yinni iy iǧan am yina.

Marqus 9:47

Meȓa ṯiṭṭ nnec tsebbab-ac ḏi can ȓefḍiḥeṯ, qȓeƹ-it zaƹma. Ḥsen i cek aḏ taḏfeḏ jjenneṯ s yijjen n ṯiṭṭ zi meȓa qqiment ɣarek ṯnayen n ṯiṭṭawin aḏ tmenḍareḏ ḏi jahennama.

Yuḥanna 1:13

Yina war d xȓiqen ca ƹlaḥsab ddurriṯ uȓa ƹlaḥsab min texs ddat uȓa ƹlaḥsab ȓxaḍar n uryaz; Lla, ḏ Arebbi iy ṯen d ijjin.

Yuḥanna 1:5

Nnur nni itceƹciƹ ḏi ṯaǧest, ṯaǧest nni war ḏas ṯzemmar.

Yuḥanna 1:51

Aqa tesȓam ȓḥaqq: Aḏ teẓrem ajenna innurzem, lmalaʼikaṯ n Arebbi taȓint hewwant-id x Mmis n bnaḏem."

Yuḥanna 12:40

Yuḥanna 3:4

Inna-as Nikudim: "Mammec ɣa igg bnaḏem aḏ d ixȓeq ḏ jḏiḏ meȓa iwsar? Ma izemmar aḏ yaḏef ƹaweḏ ḏeg uƹeddis n yemmas aḏ d ixȓeq ḏ jḏiḏ?"

2 Ayṯ-Kurinṯ 4:4

Yinni war yuminen ca ȓaƹquȓaṯ nsen isṭemmeṣ-iṯen Ibȓis wenni iǧan am arebbi n ddunect-a zaƹma. Niṯni war zemmaren aḏ ẓren nnur n Lʼinjil iƹni lƹaḍama n Lmasiḥ, netta iǧan ḏ ṣṣifeṯ n Arebbi.

2 Ayṯ-Kurinṯ 5:17

S manaya, wenni iǧan ḏi Lmasiḥ aqa itwaxȓeq-d ḏ jḏiḏ; min iǧan ḏ aqḏim iƹḏu yusa-d min iǧan ḏ jḏiḏ.

Ayṯ-Galaṭya 6:15

Liʼanna bnaḏem meȓa igga ṭṭahareṯ niɣ war t iggi ca, manaya war ineffeƹ ca; Lla, ineffeƹ meȓa bnaḏem ixȓeq-d qaƹ ḏ jḏiḏ.

Ayṯ-Ufasus 2:1

Fa kenniw tuɣa ṯemmuṯem s wuȓawen nwem ƹlaḥsab ȓmuƹṣiyaṯ ḏ ddnub nwem.

Titus 3:5

ȓexddenni isenjem-aneɣ maci ƹlaḥsab lḥasanaṯ nni iy negga; Lla, tuɣa ƹlaḥsab arraḥmeṯ nnes netta. Issireḏ-aneɣ s waman n uxȓaq ḏ jḏiḏ, yarra-aneɣ ḏ jḏiḏ s ufus n Arruḥ iqeddsen.

Yaƹqub 3:17

Ȓefhameṯ iy d ihewwan zeg ujenna, min ḏayes muhim qaƹ aḏ tiȓi ṯeṣfa. Nettaṯ ƹaweḏ ḏayes ȓehna ḏ ṣṣbar, war ḏayes tiȓi bu ṯɣennant. Ṯeccur s arraḥmeṯ ḏ lḥasanaṯ, war ḏayes bu wuḏemawen niɣ ḏ nnifaq.

1 Buṭrus 1:3

Aḏ itwabarek Arebbi, Babas n Siḏiṯneɣ Ƹisa Lmasiḥ iy ḏaneɣ yucin s arraḥmeṯ nnes ṯameqqrant ad nexȓeq ḏ jḏiḏ ɣar yijjen n lʼamal iddaren wami d isekkar Ƹisa Lmasiḥ zeg imettinen.

1 Yuḥanna 2:29

Xmi ɣa ṯessnem belli netta nican ig iǧa, ataf aḏaywem ṯiȓi ttiqeṯ belli bnaḏem ig isxeddamen min iǧan nican netta ixȓeq-d zzayes.

1 Yuḥanna 3:9

Wenni d ixeȓqen zi Arebbi war iqqim ca isxeddam ȓmuƹṣiyaṯ ȓaḥeqqac ṯaqquct n Arebbi ṯzeddeɣ ḏayes. War izemmar ca aḏ iqqim ḏi ȓmuƹṣiyaṯ ȓaḥeqqac ixȓeq-d zi Arebbi.

1 Yuḥanna 5:1

Marra wenni ɣa yamnen Ƹisa netta ḏ Lmasiḥ ataf ixȓeq-d zi Arebbi. U marra wenni itexsen Babaṯneɣ ataf netta ƹaweḏ itexs ṯarwa nnes iy zzayes d ixeȓqen.

1 Yuḥanna 5:18

Neccin nessen belli marra wenni d ixeȓqen zi Arebbi war iqqim ca isxeddam ȓmuƹṣiyaṯ. Mmis iy d ixeȓqen zi Arebbi iḥeṭṭa-ṯ, war ṯ itḍarri ca Lmufsid.

1 Yuḥanna 5:4

Aqa marra wenni iy d ixeȓqen zi Arebbi aḏ iɣȓeb x ddunect-a. Ḏ wa ḏ aɣȓab iy zi neɣȓeb x ddunect-a iƹni lʼiman nneɣ.

Lwaḥi 3:14

Ari-yas i lmalaʼika n jmaƹṯ n ȓmuminin iy iǧan ḏi ṯendint n Lawdukya, ini-yas qa wenni umi qqaren Amin, netta ḏ ccaheḏ ḏayes ȓaman ḏayes ȓḥaqq, zzayes iy d ixȓeq Arebbi marra, iqqar-ac: